Bıliktegilerge ımıdj jasaýshylar, túsinse, Prezıdenttiń de bedelin tómendetýge is qyldy. Ulttyq quryltaıdaǵy keı usynystardy halyqtyń qabyldaýy qıyn boldy. Eltańbany qasıet tutqan halyq abyrjyp qaldy.
"Naýryzdy jańasha atap ótý" degen artyq sharalar iske qosyldy. Naýryz meıramyn laıyqty atap ótýge úsh kún jarap tur edi. Bir apta, on kún serýendeý degen ne?! Qys ortasynda jaýyn júrip, muz qatyp, qys sońy, kóktem basynda toń ústine qalyń qar jaýǵanda Qoıan jutynyń zardaby alda ekenin bıliktegiler uǵa almady, tıisti qam jasamady. Qyzmetterinen ketirip, olardy aýystyrýǵa qalyptasqan júıe jol bermedi.
Elbasy zamanyndaǵy jeke basqa tabynýdy qoıǵan jón ǵoı. Taǵy da ımıdjmeıkerler Prezıdenttiń aýzyna "meniń bastamammen" degen sózderdi salady. Bolmaıdy ǵoı olaı! Bolmaý kerek. Prezıdent qoǵamdaǵy shynaıy, halyqtyń jaǵdaıy jetkizilgen usynystardy qoldaıtyn adam. Taǵaıyndalǵan oblys ákimderi halyqqa qajet nysandardy salýdy jáne jańartýdy keıinge qaldyryp, oblys ortalyqtaryn óz túsinikterimen kórkeıtýge nıet bildirdi. Aýyldardyń jaǵdaıyn jaqsartý birinshi kezekte turý kerek edi, óndirispen qatar, turǵyn úılerdi de ortalyqtarǵa úımeı, keń salyp, jańǵyrtyp, qarajatty soǵan jumsap, qalaǵa salynatyn jyltyraqtarǵa jumsamaı!
Amantay Isin
