رەسەيدىڭ ورلوۆ وبلىسى ۋريتسكي اۋدانىندا اسكەري مي-8 تىكۇشاعى قۇلادى. بۇل تۋرالى 23 مامىر كۇنى ورلوۆ وبلىسىنىڭ گۋبەرناتورى اندرەي كلىچكوۆ مالىمدەجى. ول ناقتى تىكۇشاق مودەلىن اتاعان جوق، الايدا بۇل تۋرالى ماسكەۋ اسكەري وكرۋگىنىڭ ءباسپاسوز قىزمەتى حابارلاپ، تاسس اگەنتتىگىنە سىلتەمە جاسادى، دەپ حابارلايدى “ادىرنا”.
كەيىن كلىچكوۆ تىكۇشاقتىڭ قۇلاۋىنا تەحنيكالىق اقاۋ سەبەپ بولعانىن مالىمدەدى. گۋبەرناتوردىڭ ايتۋىنشا، قايعىلى وقيعا نارىشكينو اۋىلىنان 1,5 شاقىرىم قاشىقتىقتاعى ەلسىز جەردە بولعان.
“ەكيپاج تىكۇشاقتى تۇرعىن ۇيلەردەن الىستاتىپ، ءوز ومىرلەرىن قيىپ، ناعىز ەرلىك جاسادى. ولاردىڭ ەرلىگى ۇمىتىلمايدى", – دەدى ورلوۆ وبلىسىنىڭ باسشىسى ءوزىنىڭ Telegram-ارناسىندا.
ونىڭ ايتۋىنشا، ۋريتسكي اۋدانىنىڭ تۇرعىندارى زارداپ شەكپەگەن، قيراعان نىساندار جوق.
"قازىرگى ۋاقىتتا ەشقانداي قاۋىپ جوق، جاعداي باقىلاۋدا. وقيعا ورنى قورشاۋعا الىنىپ، ءتيىستى تەكسەرۋلەر جۇرگىزىلىپ جاتىر. اۋدان اۋماعىندا وقيعانىڭ سالدارىن جويۋ بويىنشا جەدەل شتاب جۇمىس ىستەۋدە", – دەپ مالىمدەدى شەنەۋنىك.
