ءدىنتانۋشى، مادەنيەتتانۋشى ەلنار بەرىكباەۆ ءوزىنىڭ Facebook پاراقشاسىندا مەملەكەت باسشىسى قاسىم-جومارت توقاەۆتىڭ كاسىپكەرلەرگە قاتىستى ايتقانىنا پىكىر ءبىلدىردى، دەپ حابارلايدى "ادىرنا" ۇلتتىق پورتالى.
بەرىكباەۆ پرەزيدەنتتىڭ قالتالى ازاماتتارعا مەشىت قانا ەمەس، مەكتەپ پەن اۋرۋحانالار سالۋعا شاقىرعانىنا قاتىستى ويىن جازدى. مادەنيەتتانۋشىنىڭ تالداۋىنشا ەلىمىزدە كىتاپحانالار مەن اۋرۋحانالارعا قاراعاندا مەشىتتەردىڭ سانى كوپ:
"1990 جىلداردىڭ باسىندا رەسپۋبليكا بويىنشا 100-دەن استام مەشىت بولعان جوق. سوڭعى 30 جىلدا قازاقستانداعى مەشىتتەردىڭ سانى 3000-عا جاقىندادى. جىل سايىن +100 مەشىت سالىنادى ەكەن. قازاقستاندا اۋرۋحانا مەن كىتاپحانادان گورى مەشىتتەر كوپ. كەز كەلگەن شالعاي اۋىلعا بارساڭىز: سپورت زالى دا، كىتاپحاناسى دا، مۇراجايى دا جوق شىعار، بىراق اۋىلدىڭ ءدال ورتاسىندا جاپ-جاڭا ادەمى مەشىتى بارىن كورەسىز. جاستار سوندا قايدا جينالادى جانە ولاردى باسقا تاعى نە قىزىقتىرادى؟ تولاسسىز ساۋاپ الۋ ءۇشىن مەشىت سالا بەرۋدىڭ قاجەتى جوق. ءسىز قوعامعا پايدالى كەز كەلگەن نارسەنى جاساي الاسىز. مىسالى، ساياباق، سپورت زالى، اۋرۋحانا نەمەسە مەكتەپ. بىزگە مەكتەپ پەن ستۋدەنتتىك جاتاقحانا جەتىسپەيدى. ال ءبىلىم، وزدەرىڭىز بىلەتىندەي، ءسوز بەن ءىستىڭ الدىندا تۇرادى" دەپ جازدى ول.
ەستەرىڭىزگە سالا كەتەيىك، پرەزيدەنتىمىز قاسىم-جومارت توقاەۆ ۇلتتىق قۇرىلتايدا كاسىپكەرلەردى تەك مەشىت ەمەس، مەكتەپ، اۋرۋحانا سىندى ورىنداردى سالۋعا شاقىرعان بولاتىن.
