ارىس قالاسىندا اتىن اتاماۋدى وتىنگەن بەلگىسىز ادام مەكتەپ سالىپ جاتىر

6198
Adyrna.kz Telegram

ءبىلىم الۋ ءۇشىن وزگە اۋىلعا سابىلعان بالالار ەندى ءوز مەكتەبىندە وقيدى. ارىس قالاسىنىڭ ىرگەسىندەگى ونتام ەلدى مەكەنىندە 150 ورىندىق مەكتەپ سالىنىپ جاتىر. بۇل ۇنەمى ەستىپ جۇرگەن جاڭالىق دەرسىز؟! بىراق ءبىلىم ورداسى مەملەكەت ەسەبىنەن ەمەس، جەكە كاسىپكەردىڭ قاراجاتىمەن تۇرعىزىلۋدا.

قۇرىلىس نىسانى مەملەكەت باسشىسى قاسىم-جومارت توقاەۆتىڭ 1 قىركۇيەكتەگى قازاقستان حالقىنا جولداۋىندا كورسەتىلگەن تاپسىرمالاردى جۇزەگە اسىرۋ اياسىندا قولعا الىنىپ وتىر. ينۆەستوردىڭ يگى ءىسى تەك جەرگىلىكتى ۇل-قىزدارعا ەمەس، وسى ورتا ءبىلىم ورداسىنا جۇمىسقا تارتىلاتىن 50 ازاماتقا دا پايداسىن تيگىزبەك. كاسىپكەر قۇرىلىسقا ءوز قالتاسىنان 600 ميلليون تەڭگە بولگەن.

بۇل تۋرالى «ەۋرازيا» ءبىرىنشى ارناسى حابارلايدى.

كلارا نۇرمانوۆا، جەكە كاسىپكەر: "مىنا ەلدى مەكەنگە مەكتەپ سالۋ جوسپارى بولعان ەدى. وسى ءىس قالا اكىمىنىڭ قولداۋىمەن، حالىقتىڭ قولداۋىمەن  جولعا قويىلىپ جاتىر. 0107  وقۋشىلار ۇزاققا بارماي، قىستا جاۋراماي، مەكتەپ جاقىن جەردەن بولسىن دەپ وسى ءىستى باستاپ جاتىرمىز".

2,5 گەكتار اۋماقتى الىپ جاتقان مەكتەپتىڭ ءوز سپورت الاڭى دا بولادى. نىسان قۇرىلىسى 2023 جىلى اياقتالۋى ءتيىس.   دەسەك تە، مەردىگەر كومپانيا نىساندى الداعى وقۋ جىلىندا تولىق ءبىتىرىپ، پايدالانۋعا بەرۋدى كوزدەپ وتىر. ايتا كەتەيىن، ونتام اۋىلىندا "ىنتىماق" اتىنداعى شاعىن جيناقتى باستاۋىش مەكتەپ قانا بار ەكەن. ول جەردە 1-4 سىنىپ ارالىعىنداعى 50 بالا ءبىلىم الادى. ال 5-11 سىنىپ ارالىعىنداعى 42 ۇل-قىز اقدالا اۋىلىنداعى ءبىلىم ورداسىنا قاتىناپ وقيدى.

گۇلجان قۇرمانبەكوۆا، ارىس قالاسىنىڭ اكىمى: 0000 "مەملەكەت باسشىسى قاسىم-جومارت توقاەۆ اعىمداعى جىلعى جولداۋىندا مەملەكەت ەسەبىنەن مەكتەپ سالۋدان بولەك، جەكە كاسىپكەرلەردى مەكتەپ قۇرىلىسىنا تارتۋعا تاپسىرما بەردى. 0033 وسىعان سايكەس جولداۋدا بەرىلگەن تاپسىرمالار بويىنشا ءارى قاراي جۇمىستار اتقاراتىن بولامىز".

 

"ادىرنا" ۇلتتىق پورتالى 

پىكىرلەر