Dintanýshy, mádenıettanýshy Elnar Berikbaev óziniń Facebook paraqshasynda memleket basshysy Qasym-Jomart Toqaevtyń kásipkerlerge qatysty aıtqanyna pikir bildirdi, dep habarlaıdy "Adyrna" ulttyq portaly.
Berikbaev prezıdenttiń qaltaly azamattarǵa meshit qana emes, mektep pen aýrýhanalar salýǵa shaqyrǵanyna qatysty oıyn jazdy. Mádenıettanýshynyń taldaýynsha elimizde kitaphanalar men aýrýhanalarǵa qaraǵanda meshitterdiń sany kóp:
"1990 jyldardyń basynda respýblıka boıynsha 100-den astam meshit bolǵan joq. Sońǵy 30 jylda Qazaqstandaǵy meshitterdiń sany 3000-ǵa jaqyndady. Jyl saıyn +100 meshit salynady eken. Qazaqstanda aýrýhana men kitaphanadan góri meshitter kóp. Kez kelgen shalǵaı aýylǵa barsańyz: sport zaly da, kitaphanasy da, murajaıy da joq shyǵar, biraq aýyldyń dál ortasynda jap-jańa ádemi meshiti baryn kóresiz. Jastar sonda qaıda jınalady jáne olardy basqa taǵy ne qyzyqtyrady? Tolassyz saýap alý úshin meshit sala berýdiń qajeti joq. Siz qoǵamǵa paıdaly kez kelgen nárseni jasaı alasyz. Mysaly, saıabaq, sport zaly, aýrýhana nemese mektep. Bizge mektep pen stýdenttik jataqhana jetispeıdi. Al bilim, ózderińiz biletindeı, sóz ben istiń aldynda turady" dep jazdy ol.
Esterińizge sala keteıik, prezıdentimiz Qasym-Jomart Toqaev Ulttyq quryltaıda kásipkerlerdi tek meshit emes, mektep, aýrýhana syndy oryndardy salýǵa shaqyrǵan bolatyn.
