شارۋاشىلىق اۋماقتاردا اۋەسقوي اڭشىلارعا كيىك اتۋعا رۇقسات بەرىلۋى مۇمكىن. بۇل تۋرالى ەكولوگيا جانە تابيعي رەسۋرستار مينيسترلىگى ءتيىستى قۇجاتتى ازىرلەپ جاتىر، دەپ حابارلايدى “ادىرنا” ۇلتتىق پورتالى 24.kz تەلەارناسىنا سىلتەمە جاساي وتىرىپ.
مينيسترلىك مۇددەلى مەملەكەتتىك ورگاندار، سونداي-اق قوعامدىق ۇيىمدارمەن بىرگە ماسەلەنى تالقىلاپ، اۋەسقوي اڭشىلىق سالاسىنداعى 5 نورماتيۆتىك-قۇقىقتىق اكتىگە وزگەرىستەر ەنگىزبەك.
قر ەكولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ باس ساراپشىسى ەرىك جۇمانوۆتىڭ ايتۋىنشا، كيىك اۋلاۋعا شارۋاشىلىق اۋماقتا عانا رۇقسات بەرىلەدى جانە اڭشىلىق كەزىندەگى ليميت مولشەرى ءار شارۋاشىلىقتاعى جانۋار سانىنا سايكەس انىقتالادى.
بىلتىرعى جىلى ەلدەگى بوكەن سانى 2 ملنعا جۋىقتاعان، بىراق شارۋالار جانۋارلار سانىنىڭ كوبەيۋى اۋىل شارۋاشىلىعىنا زيان كەلتىرگەنىن ايتىپ، دابىل قاققان ەدى. ناتيجەسىندە، وتكەن جىلى 30 مىڭ كيىك اۋلانعان.
وسى جىلعى جۇمىستار 10 قاڭتار–10 اقپان ارالىعىندا جۇرگىزىلىپ، ءبىر اي ىشىندە 13 مىڭنان استام جانۋار قاراۋىلعا ىلىككەن. مينيسترلىك وكىلىنىڭ ايتۋىنشا، بىلتىر 630 توننا كيىك ەتىنىڭ ءبىر كەلىسى 315 تەڭگەدەن ەت كومبيناتتارىنا تاپسىرىلسا، بيىل كەلىسى 500 تەڭگەدەن قابىلدانۋدا.
“ادىرنا” ۇلتتىق پورتالى
