شۆەتسيادا جىل سايىنعى جىرتقىش قاسقىرلاردىڭ پوپۋلياتسياسىن ازايتۋعا باعىتتالعان اڭشىلىق ناۋقان باستالدى. بۇل جويىلىپ كەتۋ قاۋپى بار جانۋارلاردىڭ شامامەن 10 پايىزىنىڭ ولتىرىلۋىنە اكەلەدى، دەپ حابارلايدى "ادىرنا" ۇلتتىق پورتالى CNN-گە سىلتەمە جاساپ.
تابيعات قورعاۋشىلارى بۇل داۋلى ساياساتقا الاڭداۋشىلىق بىلدىرۋدە.
2010 جىلدان بەرى شۆەتسيا ليتسەنزيالىق كۆوتا نەگىزىندە قاسقىرلارعا اڭشىلىق جاساۋعا رۇقسات بەرىپ كەلەدى. تابيعات قورعاۋشىلارى بۇل ەۋروپالىق وداقتىڭ زاڭناماسىنا قايشى دەپ ساناپ، شاعىم ءتۇسىردى. كوميسسيا بۇل زاڭدى ساقتاۋ دەڭگەيىن باعالايتىنىن مالىمدەدى.
شۆەتسيادا قاسقىرلار 1970 جىلدارى تولىقتاي جويىلعانىمەن، ەو تابيعاتتى قورعاۋ زاڭدارىنىڭ ارقاسىندا ولاردىڭ پوپۋلياتسياسى قالپىنا كەلدى. الايدا، قازىر ۇكىمەت قاۋىپسىزدىك ماسەلەلەرىن العا تارتىپ، اۋىل تۇرعىندارى مەن مال يەلەرىنىڭ مۇددەسىن قورعاۋ ءۇشىن شامامەن 375 جانۋاردىڭ 30-ىن اتۋعا رۇقسات بەرىپ وتىر.
ۇكىمەت قاسقىرلاردىڭ جالپى سانىن 300-دەن 170-كە دەيىن ازايتۋدى كوزدەۋدە. شۆەتسيانىڭ قورشاعان ورتانى قورعاۋ اگەنتتىگى بۇل ساندى "قولايلى شەكتى ءمان" دەپ اتادى. سونىمەن قاتار، شۆەتسيانىڭ قىزىل كىتابىندا قاسقىرلار "جويىلىپ كەتۋ قاۋپى بار" دەپ كورسەتىلگەن.
تابيعات قورعاۋشىلار قاسقىرلاردىڭ سانىن ازايتۋ گەنەتيكالىق ماسەلەلەردى ۋشىقتىرۋى مۇمكىن دەپ الاڭدايدى. كەيبىرەۋلەر قاسقىرلاردى ساياسي ماقساتتا قولدانادى دەپ سانايدى.
ەۋروپادا قاسقىرلاردىڭ پوپۋلياتسياسى سوڭعى جىلدارى وسۋدە. گەرمانيادا شامامەن 1500, ال يتاليادا 3300 قاسقىر تىركەلگەن.
