Sharýashylyq aýmaqtarda kıik aýlaýǵa ruqsat berilmek

2345
Adyrna.kz Telegram
Sýret: mir24.tv
Sýret: mir24.tv

Sharýashylyq aýmaqtarda áýesqoı ańshylarǵa kıik atýǵa ruqsat berilýi múmkin. Bul týraly Ekologııa jáne tabıǵı resýrstar mınıstrligi tıisti qujatty ázirlep jatyr, dep habarlaıdy “Adyrna” ulttyq portaly 24.kz telearnasyna silteme jasaı otyryp.

Mınıstrlik múddeli memlekettik organdar, sondaı-aq qoǵamdyq uıymdarmen birge máseleni talqylap, áýesqoı ańshylyq salasyndaǵy 5 normatıvtik-quqyqtyq aktige ózgerister engizbek.

QR Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń bas sarapshysy Erik Jumanovtyń aıtýynsha, kıik aýlaýǵa sharýashylyq aýmaqta ǵana ruqsat beriledi jáne ańshylyq kezindegi lımıt mólsheri ár sharýashylyqtaǵy janýar sanyna sáıkes anyqtalady.

Byltyrǵy jyly eldegi bóken sany 2 mlnǵa jýyqtaǵan, biraq sharýalar janýarlar sanynyń kóbeıýi aýyl sharýashylyǵyna zııan keltirgenin aıtyp, dabyl qaqqan edi. Nátıjesinde, ótken jyly 30 myń kıik aýlanǵan.

Osy jylǵy jumystar 10 qańtar–10 aqpan aralyǵynda júrgizilip, bir aı ishinde 13 myńnan astam janýar qaraýylǵa ilikken. Mınıstrlik ókiliniń aıtýynsha, byltyr 630 tonna kıik etiniń bir kelisi 315 teńgeden et kombınattaryna tapsyrylsa, bıyl kelisi 500 teńgeden qabyldanýda.

“Adyrna” ulttyq portaly

Pikirler