بۇگىن ۇلىتاۋ وبلىسىندا ەكولوگيالىق تازالىق مادەنيەتىن قالىپتاستىرۋ جانە جاستاردىڭ تابيعاتقا دەگەن جاۋاپكەرشىلىگىن ارتتىرۋ ماقساتىندا كوللەدجدەردە «قورشاعان ورتاعا قامقورلىق – ورتاق پارىز» تاقىرىبىندا ەكوساعات ۇيىمداستىرىلدى.
اتالعان ءىس-شاراعا ستۋدەنتتەر بەلسەندى قاتىسىپ، قورشاعان ورتانى قورعاۋ، تابيعاتتى ساقتاۋ جانە ەكولوگيالىق قاۋىپسىزدىكتى قامتاماسىز ەتۋ باعىتىندا قۇندى ءارى پايدالى اقپاراتتار الدى. ەكوساعات بارىسىندا قاتىسۋشىلار ەكولوگيالىق ماسەلەلەردى تالقىلاپ، ءوز وي-پىكىرلەرىمەن ءبولىسىپ، ءتۇرلى زياتكەرلىك تاپسىرمالار مەن پىكىرتالاستارعا قاتىستى. بۇل ولاردىڭ ەكولوگيالىق ساۋاتتىلىعىن ارتتىرىپ، تابيعاتقا دەگەن جاناشىرلىق كوزقاراسىن قالىپتاستىرۋعا ىقپال ەتتى.
سونىمەن قاتار، «قوقىستى ازايتۋ، سۇرىپتاۋ جانە قايتا وڭدەۋ» تاقىرىبىندا ۆولونتەرلارمەن كەزدەسۋ ءىس-شاراسى ءوتتى. كەزدەسۋ بارىسىندا ستۋدەنتتەرگە تۇرمىستىق قالدىقتاردى ءتيىمدى باسقارۋدىڭ ماڭىزى ءتۇسىندىرىلىپ، قالدىقتاردى سۇرىپتاۋ مادەنيەتىن قالىپتاستىرۋ جولدارى كورسەتىلدى. ۆولونتەرلار ءوز تاجىريبەلەرىمەن ءبولىسىپ، ەكولوگيالىق قوزعالىستارعا قاتىسۋدىڭ ارتىقشىلىقتارىن اتاپ ءوتتى. ولار كۇندەلىكتى ومىردە قاراپايىم ەكولوگيالىق ادەتتەردى ەنگىزۋ ارقىلى قورشاعان ورتانى ساقتاۋعا ۇلكەن ۇلەس قوسۋعا بولاتىنىن جەتكىزدى.
ءىس-شارا اياسىندا جاستارعا تابيعي رەسۋرستاردى ۇنەمدى پايدالانۋ، قورشاعان ورتانى لاستاماۋ، پلاستيك قالدىقتاردى ازايتۋ جانە قايتا وڭدەۋدىڭ ماڭىزدىلىعى جان-جاقتى ءتۇسىندىرىلدى. قاتىسۋشىلار ەكولوگيالىق باستامالاردى قولداپ، ءوز ءوڭىرىنىڭ تازالىعىن ساقتاۋعا بەلسەندى اتسالىسۋعا دايىن ەكەندىكتەرىن ءبىلدىردى.
سونداي-اق الەۋمەتتىك جەلىلەردە جاستار، ەكو-بەلسەندىلەر جانە بلوگەرلەردىڭ قاتىسۋىمەن «وزىڭنەن باستا» اتتى ەكولوگيالىق اكتسيا ۇيىمداستىرىلىپ، #تازاقازاقستان حەشتەگىمەن ماتەريالدار جاريالاندى.
مۇنداي ءىس-شارالار جاس ۇرپاقتىڭ ەكولوگيالىق مادەنيەتىن قالىپتاستىرىپ قانا قويماي، ولاردىڭ ازاماتتىق بەلسەندىلىگىن ارتتىرۋعا، تۋعان جەرگە دەگەن سۇيىسپەنشىلىگىن نىعايتۋعا جانە قورشاعان ورتاعا جاۋاپكەرشىلىكپەن قاراۋعا تاربيەلەيدى. سەبەبى تابيعاتتى قورعاۋ – ءار ادامنىڭ ورتاق مىندەتى.
تازالىق – ءار ادامنىڭ جەكە جاۋاپكەرشىلىگىنەن باستالادى. بارلىعىمىز بىرلەسە ارەكەت ەتكەندە عانا ەكولوگيالىق قاۋىپسىز، تازا ءارى تۇراقتى بولاشاقتى بىرگە قالىپتاستىرا الامىز.
