بىرىككەن ۇلتتار ۇيىمى رەسەي-ۋكراينا سوعىسىنىڭ ناتيجەسىندە سوڭعى ەكى جىلدا 10 مىڭنان اسا ۋكراينالىق بەيبىت تۇرعىننىڭ قازا تاپقانىن مالىمدەدى، دەپ حابارلايدى «ادىرنا» ءتىلشىسى DW-گە سىلتەمە جاساپ،
بۇۇ-نىڭ ادام قۇقىقتارىن باقىلاۋ ميسسياسىنىڭ قۇجاتتالعان دەرەكتەرىندە ۋكراينادا 10 582 ادامنىڭ قازا تاۋىپ، 19 875 ازاماتتىڭ جاراقات العانى كورسەتىلگەن.
مارقۇمداردىڭ كوپشىلىگى ۋكراينانىڭ شىعىس وبلىستارىندا قازا تاپقان. الايدا بۇۇ قۇربانداردىڭ ناقتى سانى ودان دا كوپ بولۋى مۇمكىن ەكەنىن مالىمدەدى.
قازىرگى تاڭدا حالىقتىڭ 40 پايىزعا جۋىعى گۋمانيتارلىق كومەككە ءزارۋ. ال ەلدىڭ 2,2 ميلليون ازاماتى كورشى مەملەكەتتەرگە باس ساۋعالاعان.
ايتا كەتەيىك، رەسەي ۋكرايناعا قارسى ءوز اسكەري قيمىلدارىن 2022 جىلى 23 اقپاننان 24 اقپانعا قاراعان ءتۇنى باستاعان ەدى. ەلدەر اراسىنداعى سوعىس قازىردىڭ وزىندە دە جالعاسۋدا.
