تاشكەنتتەگى كانالدان قولتىراۋىن تابىلدى

237
Adyrna.kz Telegram
https://adyrna.kz/storage/uploads/CfUAtll51sMz4QoK7vIVOkyvEk0HgTIdGyWF5tWq.webp

تاشكەنتتەگى قاراسۋ كانالىنان ءنىل قولتىراۋىنى تابىلدى. ول وڭالتۋ ءۇشىن تاشكەنت حايۋاناتتار باعىنا تاپسىرىلدى. بۇل تۋرالى وزبەكستاننىڭ ەكولوگيا جانە كليماتتىڭ وزگەرۋى جونىندەگى ۇلتتىق كوميتەتى ايتتى، دەپ حابارلايدى «ادىرنا» ءتىلشىسى.

ۆەدومستۆونىڭ مالىمەتىنشە، باۋىرىمەن جورعالاۋشىنىڭ تابىلعانى تۋرالى اقپارات ەكولوگيالىق اۋماقتار مەن اڭشىلىق شارۋاشىلىعىن دامىتۋ دەپارتامەنتىنە تۇسكەن. وقيعا ورنىنداعى مالىمەت ەكولوگيا جانە كليماتتىڭ وزگەرۋى جونىندەگى ۇلتتىق كوميتەت پەن تاشكەنت حايۋاناتتار باعىنىڭ ماماندارىمەن بىرلەسىپ تەكسەرىلگەن. ناتيجەسىندە كانالدان ءنىل قولتىراۋىنىنىڭ تابىلعانى راستالعان. ماماندار باۋىرىمەن جورعالاۋشىنىڭ قاتتى توڭىپ، اۋىر جاعدايدا بولعانىن ايتقان.

قازىرگى ۋاقىتتا ءنىل قولتىراۋىنىنىڭ وزبەكستان اۋماعىنداعى سۋ ايدىنىنا قالاي تاپ بولعانى انىقتالىپ جاتىر.

ۆەدومستۆو وكىلدەرى 2024 جىلعى 5 قاراشاداعى №736 ۇكىمەت قاۋلىسىنا سايكەس، جەكە تۇلعالارعا جابايى جانۋارلاردى، سونىڭ ىشىندە قولتىراۋىنداردىڭ بارلىق ءتۇرىن جارتىلاي ەركىن جاعدايدا، جاساندى تىرشىلىك ەتۋ ورتاسىندا نەمەسە تۇتقىندا ۇستاۋعا تىيىم سالىنعانىن ەسكە سالدى. سونداي-اق ولاردى تسيرك قويىلىمدارىندا پايدالانۋعا دا رۇقسات ەتىلمەيدى.

پىكىرلەر