سۋداندا يل-76 اسكەري جۇك ۇشاعى قۇلاپ، ەكيپاجدىڭ بارلىق مۇشەسى قازا تاپتى، دەپ حابارلايدى «ادىرنا» ءتىلشىسى.
قايعىلى وقيعا 9 جەلتوقساندا بولعان.
«يل-76 ۇشاعى تەحنيكالىق اقاۋ پايدا بولعاننان كەيىن قىزىل تەڭىز جاعاسىنداعى پورت-سۋدان قالاسىنداعى «وسمان ديگنا» اۆيابازاسىنا قونۋعا تالپىنعان كەزدە قۇلادى»،- دەلىنگەن حابارلامادا.
سۋدان اسكەرى بورتتا قانشا ادام بولعانىن جاريالاعان جوق، الايدا ەكيپاجدىڭ بارلىق مۇشەسى قازا تاپقانى ايتىلدى.
ايتا كەتەيىك، اپات سۋدان قارۋلى كۇشتەرى مەن «دجاندجاۆيد» جاساقتارى نەگىزىندە قۇرىلعان جەدەل ارەكەت ەتۋ كۇشتەرى اراسىنداعى ۇزاققا سوزىلعان قارۋلى قاقتىعىس اياسىندا بولىپ وتىر.
بۇعان دەيىن قاراشا ايىندا بابانۋس قالاسى ماڭىندا (باتىس كوردوفان شتاتى) تاعى ءبىر يل-76 ۇشاعى قۇلاعان ەدى.
ۇقساس جاڭالىقتار
