دونەتسك وبلىسىنىڭ ماريۋپول قالاسىندا رەسەيلىك باسقىنشىلار ولگەن ادامداردىڭ دەنەسىن قازىپ الۋدا، دەپ حابارلايدى "ادىرنا" ۇلتتىق پورتالى. بۇل تۋرالى ماريۋپول قالالىق كەڭەسىنىڭ ءباسپاسوز قىزمەتى مالىمدەدى.
"باسقىنشىلاردان "تازالاۋدىڭ" جاڭا دەڭگەيى. قالاداعى ماريۋپولدىقتاردىڭ ايتۋىنشا، ورىس اسكەرلەرى بۇرىن تۇرعىن ۇيلەردىڭ اۋلالارىندا كومىلگەن مايىتتەردى ەكسگۋماتسيالاۋ پروتسەسىن باستادى. ونىڭ ۇستىنە باسقىنشىلار ولاردان قازا تاپقان ادامداردى جەرلەۋگە تىيىم سالۋدا. ءار اۋلاعا كۇزەتشى تاعايىندالدى، بۇل ماريۋپولدىكتەرگە قايتىس بولعان تۋىستارىنىڭ نەمەسە جاقىندارىنىڭ دەنەسىن بەرۋگە مۇمكىندىك بەرمەيدى. ەكسگۋماتسيا نەلىكتەن جۇرگىزىلىپ جاتقانى جانە مايىتتەردىڭ قايدا جونەلتىلەتىنى بەلگىسىز»، - دەلىنگەن حابارلامادا.
قالالىق اكىمدىك وسىلايشا جاۋ ءوز قىلمىسىنىڭ ايعاعىن جاسىرۋعا تىرىسادى دەپ ەسەپتەيدى.
«ۋكراينا بارلاۋىنىڭ ماريۋپولدەگى 13 جىلجىمالى كرەماتوريلەردى تىركەگەنىن ەسكەرە وتىرىپ، رەسەي وككۋپاتسياسىنىڭ اسكەرلەرى ءبىزدىڭ قالاداعى وزدەرىنىڭ اسكەري قىلمىستارىنىڭ ءىزىن بارلىق ادىستەرمەن جاسىرۋعا تىرىسادى دەپ بولجاۋعا بولادى. قازىردىڭ وزىندە ماريۋپولدە ورىس اسكەرىنىڭ كوپتەگەن قىلمىستارى تىركەلدى. ءاربىر قىلمىسكەر جازاسىن الادى!» – دەپ اتاپ ءوتتى قالالىق ءماسليحاتتا.
"ادىرنا" ۇلتتىق پورتالى
