الماتىدا قارۋ-جاراقتىڭ تولىق ارسەنالى ساقتالعان قويما تابىلدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
قارۋ-جاراق قويماسى 24 قاڭتاردا تابىلدى.
“كالاشنيكوۆ اۆتوماتتارىن، تاپانشالار مەن مىلتىقتاردى قوسا العاندا 30 بىرلىك قارۋ-جاراق، سونداي-اق 5 گراناتا، 10 تۇتىندەتۋ قۇتىسى جانە ءارتۇرلى كاليبردەگى 221 پاترون الىندى”، - دەپ حابارلادى ۇقك.
مالىمەت بويىنشا، تابىلعان قارۋ «قاڭتار وقيعاسى» كەزىندە ۇرلانعان.
وقيعاعا قاتىستى سوتقا دەيىنگى تەرگەپ-تەكسەرۋ جۇرگىزىلۋدە.
“ادىرنا” ۇلتتىق پورتالى
