"موڭعوليا بىزدەن الدەقايدا كوش ىلگەرى" - قوعامدىق بەلسەندى سەرىك حاسەنوۆ

5258
Adyrna.kz Telegram
الەۋمەتتىك جەلىدە وتكىر جازبالارى، تەرەڭ پايىمى جانە جانكەشتىلىگىمەن كوزگە تۇسكەن قوعام بەلسەندىسى سەرىك حاسەنوۆ موڭعوليادا بولعان كوتەرىلىستى تالداپ، قازاق ەلىنىڭ ساياسي جاعدايىمەن سالىستىردى. قازاق ەلىندە ءجيى ايتىلاتىن "ەكى الىپ يمپەريانىڭ ورتاسىندامىز" تۇسىنىگىنىڭ توزعانىن، قازاقتى جالعان ۇرانعا سەندىرىپ، ۇرشىقشا ءيىرىپ وتىرعانىن جازدى. بۇل جايلى "ادىرنا" ۇلتتىق پورتالى حابارلادى.  
ءوزىنىڭ فەيسبۋك پاراقشاسىندا سەرىك حاسەنوۆ "موڭعوليانىڭ ارتىمىزدى اشقانىن" جازدى.
- وسى كۇنگە دەيىن رەۆوليۋتسيا نە ميتينگ تۋرالى ايتساڭ، تالاپ ەتۋ تۋرالى ايتساڭ "ەكى الىپ يمپەريانىڭ ورتاسىندامىز" دەگەن جەلەۋدى ءسوز ەتەتىندەر كوپ بولدى. پارلامەنتتىك باسقارۋ جۇيەسىنە تەز ءوتۋ كەرەك، تالاپ ەتۋ كەرەك دەسەك ء"بىز از حالىقپىز، كۇتە تۇرايىق" دەگەن سۇڭعىلالار كوپ بولدى... باسىڭىزدى كۇنشىعىس جاققا بۇرساڭىز موڭعوليا دەگەن ەل بار. پارلامەنتتىك باسقارۋ جۇيەسىندەگى ەل. جەر كولەمى جارتى قازاقستاننان ءسال ۇلكەندەۋ. حالقى بىزدەن التى ەسە از... قىزىعى، سول ەلدە قىتاي مەن رەسەيدىڭ ورتاسىندا ورنالاسقان. جاقىندا حالقى ۇكىمەت ۇيىنە كۇشپەن كىرىپ، كىنالىلەردى جازالاۋدى تالاپ ەتتى. ۇكىمەتتى وتستاۆكاعا كەتۋىن تالاپ ەتتى... سوندا وعان قىتاي ءوز تاراپىنان جەمقورلىققا قاتىسى بار دەگەن شەنەۋنىكتەردى اتۋ جازاسىنا كەسكەنىن ايتتى. ءۇش جارىم ميلليون عانا حالقى بار موڭعولياعا شابۋىل جاساماپتى... مىنالار بيلىگىنە قارسى كوتەرىلىپ جاتقاندى پايدالانايىق دەمەپتى... ساۋ، ديپلوماتيالىق اراقاناستاعى مەملەكەتتىڭ ارەكەتىن جاساپتى... - دەدى سەرىك حاسەنوۆ.
اۆتور قىتاي مەن موڭعول قارىم-قاتىناسىن ءسوز ەتە كەلە، قازىرگى رەسەيدىڭ ساياسي كۇردەلى احۋالىن تالداۋعا ويىسادى. قازاقتى ءجيى باستىلمالاۋعا تىرىساتىن "ەكى الىپ يمپەريانىڭ ورتاسىندامىز" تۇسىنىگىنىڭ ەش قيسىنعا كەلمەيتىندىگىن دالەلدەپ، كورسەتەدى.
- رەسەيگە قازىر موڭعوليا ەمەس، وزىندەگى ساحا، تاتارستان ت.ب. سياقتى ەلدەردى ۇستاپ قالۋ الدە قايدا ماڭىزدىراق... موڭعوليا ناقتى "ەكى الىپ يمپەريا" دەگەن ەرتەگىگە نۇكتە قويعان سياقتى... بۇل بىزدەگى پوليتتەحنولوگيانىڭ يدەيالىق ساندىراعى عانا دەگەن ءسوز... حالىقتى ءتىپتى سوعان سەندىرىپ قويعان... ءبىز كوشەگە شىعىپ تالاپ ەتپەيتىنىمىز، بۇرىن سەنىپ كەلگەندەي ەگەمەندىكتى باعالاۋىمىزدا ەمەس، قورقاقتىعىمىزدا ەكەن... سانىمىز موڭعوليا حالقىنان كوپ پا؟ كوپ! سول سەكىلدى رەسەي مەن قىتايدىڭ ورتاسىندامىز با؟ ورتاسىندامىز! ەندى نەنى سىلتاۋ قىلامىز؟ - دەدى قوعام بەلسەندىسى.
ەستەرىڭىزگە سالا كەتەيىك، وتكەندە موڭعوليادا ەل قازىناسىن قاناعان جەمقورلارعا قارسى شەرۋ ءوتىپ، حالىق ءوز قامسىز بيلىگىن ءبىر سىلكىپ العان ەدى.
"ادىرنا" ۇلتتىق پورتالى
پىكىرلەر