شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى سوتقا دەيىنگى تەرگەۋ باستالدى. اقپاراتتى ۇلتتىق قاۋىپسىزدىك كوميتەتى راستادى، دەپ حابارلايدى «ادىرنا» ءتىلشىسى.
«سوتقا دەيىنگى تەرگەۋ جۇرگىزىلىپ جاتىر. قازاقستان رەسپۋبليكاسىنىڭ قىلمىستىق-پروتسەستىك كودەكسىنىڭ 201-بابىنا سايكەس باسقا اقپارات جاريالانبايدى»، – دەلىنگەن حابارلامادا.
بۇعان دەيىن الەۋمەتتىك جەلىلەردە جاقسىلىق وماردىڭ ۇستالعانى جونىندە اقپارات تاراعان بولاتىن. وبلىس اكىمدىگى لاۋازىمدى تۇلعا دەنساۋلىعىنا بايلانىستى ۋاقىتشا ەڭبەك دەمالىسىن العانىن ايتقان ەدى.
جاقسىلىق ومار 2025 جىلدىڭ قاراشا ايىنىڭ سوڭىندا وسكەمەن قالاسىنىڭ اكىمى قىزمەتىنەن كەتكەن. كەيىن ول شىعىس قازاقستان وبلىسى اكىمىنىڭ ءبىرىنشى ورىنباسارى بولىپ تاعايىندالعان.
ۇقساس جاڭالىقتار
