الماتىدا سايران كولىنىڭ ماڭىنان تاعى ءبىر قارۋ-جاراق قويماسى تابىلدى. بۇل تۋرالى polisia.kz جاريالادى، دەپ حابارلايدى “ادىرنا” ۇلتتىق پورتالى.
«قارۋ» رەسپۋبليكالىق جەدەل-پروفيلاكتيكالىق ءىس-شاراسىن وتكىزۋ بارىسىندا الماتى قالاسى بويىنشا لا-155/13 دۋي مەكەمەسىنىڭ جەدەل توبىنىڭ قىزمەتكەرلەرى المالى اۋدانى ءوب جانىنداعى وپ قىزمەتكەرلەرىمەن بىرگە ۆارلاموۆ كوشەسى، سايران كولىنە قاراي، باتىس باعىتتا، قۇرعاق بۇتاقتاردىڭ استىنداعى بۇتالاردىڭ اراسىنان قارۋ-جاراق پەن وق-دارىلەردىڭ قويماسى تابىلدى. انىقتالعان ورىننان 12-كاليبرلى ەكى تەگىس ۇڭعىلى اڭشى مىلتىعى، پم گاز تاپانشاسى، سونداي-اق وقتار تابىلدى»، – دەپ حابارلادى الماتى قالاسى بويىنشا لا 155/13 دۋيس مەكەمەسىنىڭ انىقتاۋشىسى راحات نۇربەكوۆ.
الدىن الا مالىمەت بويىنشا، تابىلعان قارۋلار بيىلعى جىلدىڭ قاڭتارىنداعى تارتىپسىزدىكتەر كەزىندە ۇرلانعان. ونىڭ ناقتى كىم ەكەنى ساراپتامادان كەيىن انىقتالادى. اتالعان فاكتى بويىنشا قر قىلمىستىق كودەكسىنىڭ 287-بابى 2-بولىگى بويىنشا سوتقا دەيىنگى تەرگەۋ امالدارى باستالدى.
”ادىرنا” ۇلتتىق پورتالى
