زاڭگەر ايگۇل ورىنبەك ء“داستۇر" ءفيلمىن كينوتەاترلاردان الىپ تاستاۋدى تالاپ ەتتى، دەپ حابارلايدى “ادىرنا” ۇلتتىق پورتالى.
ايتۋىنشا، قىز الىپ قاشۋ - قازاقتىڭ ءداستۇرى ەمەس.
“قىز الىپ قاشۋ- قازاقتىڭ ءداستۇرى ەمەس!ءبىزدىڭ ەلدە قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى مەن قمدب ءتىرى مە؟
ء“داستۇر” ءفيلمىنىڭ ەكران بەتىنە شىعۋىنا قالايشا جول بەردىڭدەر؟ كينوتەاترلاردان الىپ تاستاۋدى تالاپ ەتەمىن!
قازاق تاريحىندا “سىرعا سالۋ”، “ايتتىرۋ”، “ “سىڭسۋ ايتۋ” دەگەن سالت-ءداستۇردىڭ بار ەكەنىن بىلەمىن. ال سالت -داستۇرىمىزدە قىزدى الىپ قاشقانىن وقىماپپىن. كورشى ەلدىڭ ءداستۇرىن بىزگە تىقپالاپ كەرەگى جوق.
كينودا “قىز الىپ قاشۋ” داستۇرگە جاتادى، ياعني “ول دۇرىس ەمەس”، دەپ ءدىندى استارلاپ ناسيحاتتاۋ دەپ ويلايمىن. جاستارعا سالت -داستۇرگە قارسى شىعىپ، جەك كورىپ، ء“دىندى ۇستانىڭدار” دەگەن وي تاستاۋدىڭ ەلەمەنتتەرى بايقالادى. قازاقتىڭ كەز-كەلگەن وتباسى جەتى شەلپەكپەن، قۇران باعىشتاۋدى بىلەدى. بىراق كينودا ونى دا اشىق كورسەتپەيدى. ءتىپتى ءبىر قارسىلىق ەپيزودى بار.
قازاقتىڭ مەشىتتە وتىراتىن يمامىندا ساۋاتسىز، نادان قىلىپ كورسەتكەن. الدىنا “جىن كورىپ ءجۇرمىن”، دەپ كومەك سۇراپ جىلاپ بارعان ايەلدىڭ قولىنا، سۇرە جازىپ جىبەرە سالدى. كينوداعى تەكە ساقالدى يمام ءسالافيت ەمەس پە؟
“اللاحۋ اكبار” دەپ اۋزىن اشپاعان ايەلدى، ءبىزدىڭ شىنايى ومىردە مولدالار ءۇش ارىپپەن كۇرەسۋگە ءجاي جىبەرە سالمايدى نەگىزى. .
قازاقتار سالت -ءداستۇرىن ۇمىتپاي مىقتى ۇستانۋ كەرەك! مادەنيەتى مەن سالت- ءداستۇرى وشپەگەن ەلدىڭ , ۇلتى ولمەيدى!
ال ءداستۇردى جاستارعا نەگاتيۆتى تۇرعىدا كورسەتۋ، ەلدى توپاستىندىرعىسى كەلىپ جۇرگەن ارام پيعىلدى ادامدارعا ءتيىمدى.
ءدىن تاقىرىبىنا قاتىستى كينو ءتۇسۇرىپ حالىققا ۇسىنباس بۇرىن ۇلتتىق قاۋىپسىزدىك كوميتەتى مەن قر باس پروكۋراتۋراسى / رۇقسات الاتىن زاڭ قابىلداڭدار دەپۋتتار رينات زايىتوۆ، جۇلدىز سۇلەيمەنوۆا، ەرمۋرات باپي، ابزال قۇسپان، ماقسات تولىقباي .
حيدجاپ، كەلتە بالاق، قاۋعا ساقال، سالافيزمگە قارسى زاڭ نە بولدى قۇرمەتتى حالىق قالاۋلىلارى؟!
بۇلار وسىلاي اشىق تالتاڭداپ جۇرە بەرەدى مە؟»، دەپ جازدى زاڭگەر فەيسبۋك پاراقشاسىنا.
