زاڭگەر ايگۇل ورىنبەك شەنەۋنىكتەرگە شۇيلىگىپ، ۇندەۋ جاسادى، دەپ حابارلايدى "ادىرنا" ءتىلشىسى.
Facebook الەۋمەتتىك جەلىسىنىڭ بەلسەندى قولدانۋشىسى، جەكە كاسىپكەر، زاڭگەر ايگۇل ورىنبەك قاراعاندىدا ورىن العان اپاتقا قاتىستى پىكىر ءبىلدىردى. ول ءوزىنىڭ الەۋمەتتىك جەلىدەگى جازباسى ارقىلى حالىقتىڭ ۇنىنە قۇلاق اسپاي، كابينەتكە قامالاتىن بيلىك باسىنداعىلارعا ۇندەۋ جاسادى.
“قابىرعامىز قايىسىپ كوڭىل ايتامىن” دەيسىڭدەر مە؟ ادام ولگەندە عانا، پرەزيدەنت ۇشىپ بارىپ باقىلاۋعا العاندا عانا ارتتارىڭدى بىلعارى كرەسلودان كوتەرىپ، قابىرعالارىڭ قايىسىپ حالىق الدىنا شىعاسىڭدار باستارىڭ سالبىراپ! ەي، ۇكىمەت، وسى ۋاقىتقا دەيىن قايدا بولدىڭدار؟ تامىزداعى جارىلىستان كەيىن، نەگە بۇل جارىلىستى الدىن المادىڭدار؟ حالىقتىڭ ءۇنىن ەستيمەيسىڭدەر كابينەتتەرىڭە تىعىلىپ! اۋىل ايماقتى ارالاسىڭدار حالىقتى ەمەس، قىزىل كىلەممەن ءجۇرىپ اكىمدەردىڭ قولىن الىپ كەتەسىڭدەر! وتىرىك ەسەپ، ء“ومىر عاجاپ، ءبارى كەرەمەت باقىلاۋدا”، دەپ بەتتەرىڭ بىلشيىپ وتىراسىڭدار! سەندەر وسى اپاتتى جاعدايلاردان اقشا جاسامايسىڭدار ما؟ ءبىر شاحتانى يگەرە الماي جاتسىڭدار، اتومدىق ستانتسيانى ءتىپتى ويلاۋدىڭ ءوزى قورقىنىشتى.
وتىز ەكى وتباسى قارا جامىلدى ءبىر كۇندە، ال كەيبىر جەمقورلاردىڭ ەتتەرى دە بەتتەرى دە قايىسا بەرەتىن قابىرعالارى دا ۇيرەنىپ قالعان؟! وتە اۋىر قايعى.
جاقىندارىنان ايرىلىپ ازا تۇتىپ جاتقانداردىڭ وتباسىنان كومەك بەرە الماعانىم ءۇشىن كەشىرىم سۇراپ، كوڭىل ايتامىن",- دەپ جازدى زاڭگەر.
