جامبىل وبلىسىندا ءبىر توپ ەر ادام قىزدى كۇشپەن كولىككە وتىرعىزىپ، بەلگىسىز باعىتقا الىپ كەتكەن، دەپ حابارلايدى «ادىرنا» ءتىلشىسى.
وقيعانىڭ بەينەجازباسى الەۋمەتتىك جەلىدە تارادى. الدىن الا مالىمەت بويىنشا، وقيعا تۇرمىس قۇرۋ ماقساتىنداعى «الىپ قاشۋ» وپەراتسياسىمەن بايلانىستى بولۋى مۇمكىن.
جامبىل وبلىستىق پوليتسيا دەپارتامەنتى بۇل وقيعاعا قاتىستى تۇسىنىكتەمە بەردى.
«اتالعان فاكتى بويىنشا تەكسەرۋ جۇرگىزىلىپ، ناتيجەسىندە وقيعاعا قاتىسى بار بارلىق تۇلعا انىقتالىپ، تەرگەۋگە الىندى. قر قىلمىستىق كودەكسىنىڭ 125-بابى — «ادام ۇرلاۋ» بويىنشا سوتقا دەيىنگى تەرگەۋ باستالدى. تاراپتاردىڭ بۇرىننان تانىس بولعانى جانە ءوزارا شاعىمدارى جوق ەكەنى انىقتالدى»،—دەلىنگەن حابارلامادا.
ەسكە سالا كەتەيىك، بيىل قىلمىستىق كودەكستىڭ 125-بابى بويىنشا جازا كۇشەيتىلگەن ەدى. ەندى ادام ۇرلاعاندار جەتى جىلعا دەيىن باس بوستاندىعىنان ايىرىلۋى مۇمكىن.
