مۇحتار ماعاۋين اعامىزدىڭ ايا قارىنداسىما بەرگەن سۇحباتى توعىشار، جالپاق شەشەي قوعامنىڭ ۇستىنە لاقتىرىلعان بومبا سياقتى اسەر ەتتى-اۋ دەيمىن. فب- شۋلاپ كەتىپتى، بىرەۋ ماقتاپ، بىرەۋ داتتاپ جاتىر.
بۇل جەردە اقسەلەۋ اعامىزدىڭ "ونى مويىنداماساق، بەتباقتىق بولار ەدى. مىنەزى ونىڭ وزىمەن بىرگە كەتەدى. ال جازعاندارى حالىقتىڭ يگىلىگى بولىپ قالادى. قازاق تاريحىنا قاتىستى كونتسەپتۋالدى كەيبىر ويلارى تاريح ينستيتۋتىنىڭ دا تۇسىنە كىرمەيدى. ونىڭ جازعاندارىنىڭ ىشىندە جامان نارسە بار دەپ ايتا المايمىن" دەگەن باعاسى ەسكە تۇسەدى. ءبىز كونفورميست قوعامبىز، بۇل سوۆەت ۇكىمەتىنەن العان ەنشىمىز، مەن دە كونفورميستپىن. بولىپ جاتقان ادىلەتسىزدىكتى، زورلىقتى، قارلىقتى، وتىرىكتى كورىپ وتىرىپ ۇندەمەيمىز. "پالەدەن ماشايىق قاشىپتى" دەپ جۇرە بەرەمىز، سەبەبى جاماندىقپەن ۇستاسامىن دەپ جازىپ وتىرعان كىتابىڭ توقتاپ قالادى، شىعارماشىلىق جۇمىس جۇرمەي قالادى ت.ب.
ايتپەسە، وزگە سالانى ايتپاي-اق قويايىن، ءبىزدىڭ تاريح عىلىمى، وقۋ ورىندارى سالاسىندا قانشاما پروبلەمالار بار. ءالى سوۆەتتىڭ شينەلىمەن وتىر، وعان رۋشىلدىق قوسىلدى، عىلىمعا مامان دايىنداۋدا بلات-سۆاتى بار، حالتۋرا، كوزبوياۋشىلىق بار. بىراق ءبىر ادام وسىنى ايتۋى كەرەك، ايتپەسە ءبىزدى قوعام دەپ ايتۋعا بولمايدى.
ءوزىنىڭ ەسەبىن، پەندەشىلىگىن بىلاي قويىپ اۋرۋ قوعامنىڭ اۋرۋىن ءادىل كورسەتەتىن مامان- كوسەمدەرى بولادى. ءبىزدىڭ قوعامنىڭ اۋرۋى بۇگىن پايدا بولعان جوق، ارىدە جاتىر. قۇلدى قۇل، ساتقىندى ساتقىن دەپ ايتاتىن كەزەڭ كەلدى. قۇلداردىڭ، ساتقىنداردىڭ سالىپ بەرگەن جولىمەن جۇرسەك ءالى دە جۇرە بەرەمىز.
مۇحتار اعامىزدى وسى تۇرعىدان قابىلداعان ءجون، ءوزىم وسىلاي قابىلدادىم.
جامبىل ارتىقباەۆ
