«ادىرنا» ۇلتتىق پورتالىنىڭ YouTube ارناسىنىڭ كەزەكتى قوناعى – ارداگەر مەتاللۋرگ، عالىم تولەگەن بۇكىروۆ. سۇحبات بارىسىندا عالىم مەتاللۋرگيا سالاسىنا قالاي كەلگەنى، جەزقازعان وڭىرىندەگى مىس ءوندىرىسىنىڭ قالىپتاسۋى مەن ستراتەگيالىق ماڭىزى، سونداي-اق كەن وندىرىسىندەگى قاۋىپسىزدىك، ەكولوگيا جانە جەر قويناۋىنداعى بايلىقتاردى يگەرۋ ماسەلەلەرى تۋرالى وي ءبولىستى.
تولەگەن بۇكىروۆ ءوز ءومىر جولىنداعى ماڭىزدى كەزەڭدەردى ەسكە الىپ، مەتاللۋرگيا عىلىمىنا كەلۋىنە اسەر ەتكەن فاكتورلاردى، سونداي-اق ءوز كوزىمەن كورگەن جەزقازعان مىس زاۋىتىنىڭ سالىنۋ تاريحىن باياندادى. سونىمەن قاتار ول جەر قويناۋىنان الىناتىن كەن قۇرامىندا 25–30 ءتۇرلى ەلەمەنت بولاتىنىن اتاپ ءوتىپ، ولاردىڭ ەل ەكونوميكاسى ءۇشىن ماڭىزىن ءتۇسىندىردى.
بۇدان بولەك، تولەگەن بۇكىروۆ اعاسى سۇتەمگەن بۇكىروۆ تۋرالى ەستەلىكتەرىمەن ءبولىسىپ، «كەتبۇقا» قوعامدىق قورىنىڭ اتقارىپ جاتقان جۇمىستارى جايلى دا اڭگىمەلەدى.
