Mūhtar Maǧauin aǧamyzdyŋ Aiia qaryndasyma bergen sūhbaty toǧyşar, jalpaq şeşei qoǧamnyŋ üstıne laqtyrylǧan bomba siiaqty äser ettı-au deimın. FB- şulap ketıptı, bıreu maqtap, bıreu dattap jatyr.
Būl jerde Aqseleu aǧamyzdyŋ "Ony moiyndamasaq, betbaqtyq bolar edı. Mınezı onyŋ özımen bırge ketedı. Al jazǧandary halyqtyŋ igılıgı bolyp qalady. Qazaq tarihyna qatysty konseptualdı keibır oilary tarih institutynyŋ da tüsıne kırmeidı. Onyŋ jazǧandarynyŋ ışınde jaman närse bar dep aita almaimyn" degen baǧasy eske tüsedı. Bız konformist qoǧambyz, būl sovet ükımetınen alǧan enşımız, men de konformistpın. Bolyp jatqan ädıletsızdıktı, zorlyqty, qarlyqty, ötırıktı körıp otyryp ündemeimız. "Päleden maşaiyq qaşypty" dep jüre beremız, sebebı jamandyqpen ūstasamyn dep jazyp otyrǧan kıtabyŋ toqtap qalady, şyǧarmaşylyq jūmys jürmei qalady t.b.
Äitpese, özge salany aitpai-aq qoiaiyn, bızdıŋ tarih ǧylymy, oqu oryndary salasynda qanşama problemalar bar. Älı sovettıŋ şinelımen otyr, oǧan ruşyldyq qosyldy, ǧylymǧa maman daiyndauda blat-svaty bar, haltura, közboiauşylyq bar. Bıraq bır adam osyny aituy kerek, äitpese bızdı qoǧam dep aituǧa bolmaidy.
Özınıŋ esebın, pendeşılıgın bylai qoiyp auru qoǧamnyŋ auruyn ädıl körsetetın maman- kösemderı bolady. Bızdıŋ qoǧamnyŋ auruy bügın paida bolǧan joq, ärıde jatyr. Qūldy qūl, satqyndy satqyn dep aitatyn kezeŋ keldı. Qūldardyŋ, satqyndardyŋ salyp bergen jolymen jürsek älı de jüre beremız.
Mūhtar aǧamyzdy osy tūrǧydan qabyldaǧan jön, özım osylai qabyldadym.
Jambyl Artyqbaev
Ūqsas jaŋalyqtar
