30 قاراشا كۇنى ادىرنا ۇلتتىق پورتالىندا «استراحانداعى استراحانكا اياز اتا مەن اقشاقارعا 1 ملن 666 مىڭ تەڭگە ءبولدى» دەگەن ماتەريال جاريالانعان ەدى. اتالعان ماقالاعا قاتىستى اقمولا وبلىسى بويىنشا ىشكى مەملەكەتتىك اۋديت دەپارتامەنتى جاۋاپ بەردى، - دەپ حابارلايدى ادىرنا ۇلتتىق پورتالىنىڭ ءتىلشىسى.
استراحان اۋىلى اقمولا وبلىسىنداعى استراحان اۋدانىنىڭ ورتالىعى سانالادى. حالقىنىڭ سانى 6 مىڭ ادامنان ءسال اسادى. اۋىلدا 2 جالپى ءبىلىم بەرەتىن جانە مۋزىكا مەكتەبى، 5 بالاباقشا، كاسىپتىك-تەحنيكالىق ۋچيليششە، مادەني-سپورت كەشەنى، مادەنيەت ءۇيى، كينوتەاتر، 7 كىتاپحانا، 3 ەمدەۋ-ساۋىقتىرۋ مەكەمەسى، تاريحي-ولكەتانۋ مۇراجايى، قوناق ءۇيى، ت.ب. بار. ياعني، پورتالىمىز بار بولعانى 6 مىڭ تۇرعىنى بار اۋىلدىڭ جاڭا جىلدىق مۇسىندەرگە 1 ملن 666 مىڭ تەڭگە بولگەنىن سىناعان ەدى. سونىمەن قاتار، ءتىلشىمىز اقمولا وبلىسىنىڭ مەملەكەتتiك ساتىپ الۋ جانە كوممۋنالدىق مەنشiك باسقارماسىنا:
«1. اۋدان ورتالىعى سانالاتىن اۋىلدىق اكىمدىك قاردان جاسالاتىن بار بولعانى 8 مۇسىنگە 1 666 964 تەڭگە قارجى ءبولۋى قانشالىقتى اقىلعا سيىمدى؟ بۇل بيۋدجەت قارجىسىن وڭدى-سولدى شاشۋ ەمەس پە؟
2. استراحاندىق شەنەۋنىكتەردىڭ الدا كەلە جاتقان تاۋەلسىزدىك مەرەكەسىن اتتاپ ءوتىپ، جاڭا جىلعا دايىندالا باستاۋىنىڭ استارىندا نە جاتىر؟» دەگەن ساۋال جولداعان بولاتىن.
ءبىزدىڭ اقمولا وبلىسىنىڭ مەملەكەتتiك ساتىپ الۋ جانە كوممۋنالدىق مەنشiك باسقارماسىنا جولداعان ساۋالىمىزعا "قازاقستان رەسپۋبليكاسى قارجى مينيسترلىگى ىشكى مەملەكەتتىك اۋديت كوميتەتىنىڭ اقمولا وبلىسى بويىنشا ىشكى مەملەكەتتىك اۋديت دەپارتامەنتى" رمم (بۇدان ءارى - دەپارتامەنت) جاۋاپ بەرىپتى:
«اقمولا وبلىسى استراحان اۋدانى استراحان اۋىلىنىڭ ورتالىق الاڭىندا جاڭا جىلدىق قالاشىقتى جايلاستىرۋ" مەملەكەتتىك ساتىپ الۋ بويىنشا قر مەملەكەتتىك ۆەب-پورتالىن زەردەلەۋمەن دەپارتامەنت جوعارىدا كورسەتىلگەن ساتىپ الۋ ءتاسىلىن: «باعا ۇسىنىستارىن سۇراتۋ» جۇزەگە اسىرعانىن انىقتادى.
«استراحان اۋىلدىق وكرۋگى اكىمىنىڭ اپپاراتى» مەملەكەتتىك مەكەمەسى (بۇدان ءارى – ۇيىمداستىرۋشى، تاپسىرىس بەرۋشى) جانە «جاقسى اۋدانىنىڭ جاقسى اۋىلى اكىمىنىڭ اپپاراتى» مەملەكەتتىك مەكەمەسى (بۇدان ءارى – ۇيىمداستىرۋشى، تاپسىرىس بەرۋشى) ۇيىمداستىرۋشى جانە تاپسىرىس بەرۋشى بولىپ تابىلادى.
№11083997-1, №11136062-1 مەملەكەتتىك ساتىپ الۋلار بويىنشا دەپارتامەنت، قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىن بۇزعانى انىقتالعان جوق.
ءسىزدىڭ سۇراۋىڭىزدا كورسەتىلگەن باسقا ماسەلەلەرگە قاتىستى جوعارىدا اتالعان ساتىپ الۋدى ۇيىمداستىرۋشىعا/تاپسىرىس بەرۋشىگە جۇگىنۋ قاجەت ەكەنىن حابارلايمىز. ويتكەنى، سۇراۋىڭىزدا باياندالعان ماسەلەلەر دەپارتامەنتتىڭ قۇزىرەتىنە كىرمەيدى».
سىرعىما جاۋاپتا ءبىز كوتەرگەن ماسەلە دەپارتامەنتتىڭ قۇزىرەتىنە كىرمەيتىنىن ايتىپتى. ءبىزدىڭ اقمولا وبلىسىنىڭ مەملەكەتتiك ساتىپ الۋ جانە كوممۋنالدىق مەنشiك باسقارماسىنا جىبەرگەن حاتىمىز اقمولا وبلىسى بويىنشا ىشكى مەملەكەتتىك اۋديت دەپارتامەنتىنە قالاي بارعانى تۇسىنىكسىز. سوندا دا اقىرى جاۋاپ بەرگەن ەكەن، بيۋدجەت قارجىسىن ءبولىپ وتىرعان ورگان مەن تاپسىرىس بەرۋشىگە سۇراۋ سالىپ، حاتتى سولارعا باعىتتاۋعا بولماس پا ەدى؟
قانات بىرلىكۇلى
ادىرنا ۇلتتىق پورتالى
