پرەزيدەنت قاسىم-جومارت توقاەۆتىڭ توراعالىعىمەن قارۋلى كۇشتەردەگى، باسقا دا اسكەرلەر مەن اسكەري قۇرىلىمدارداعى اسكەري جانە قۇقىقتىق ءتارتىپ ماسەلەلەرى بويىنشا كەڭەس ءوتتى. بۇل تۋرالى بۇگىن، 3 جەلتوقساندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
جيىندا باس پروكۋرور بەرىك اسىلوۆ، ىشكى ىستەر ءمينيسترى ەرجان سادەنوۆ، قورعانىس ءمينيسترى داۋرەن قوسانوۆ اسكەري جانە قۇقىقتىق ءتارتىپتى ساقتاۋ شارالارى، سونداي-اق اسكەريلەر اراسىندا جۇرگىزىلىپ جاتقان تاربيە جۇمىستارى تۋرالى بايانداما جاسادى.
سونىمەن قاتار اسكەردەگى قۇقىقبۇزۋشىلىقتىڭ الدىن الۋ بويىنشا قارۋلى كۇشتەر مەن قۇقىق قورعاۋ ورگاندارى باسشىلارى قىزمەتىنىڭ ءتۇرلى اسپەكتىلەرى قاراستىرىلدى.
پرەزيدەنت زاڭ مەن ءتارتىپتى ودان ءارى قامتاماسىز ەتۋگە، اسكەردەگى تاربيە جۇمىسىن جەتىلدىرۋگە، اسكەري قىزمەتشىلەردىڭ مەرت بولۋىنا جانە جاراقات الۋىنا جول بەرمەۋ بويىنشا قابىلدانعان شارالاردىڭ تيىمدىلىگىن ارتتىرۋعا باعىتتالعان بىرقاتار ناقتى تاپسىرما بەردى.
ەسكە سالايىق، 10 قاراشا كۇنى استانادا اسكەردە قازا تاپقان يا مەرتىككەن ساربازداردىڭ تۋىستارى ميتيڭگىگە شىعىپ، مارقۇمداردىڭ ءولىمىن ءادىل تەرگەۋدى جانە اسكەردى رەفورمالاۋدى تالاپ ەتكەن بولاتىن.
