30 qaraşa künı Adyrna ūlttyq portalynda «Astrahandaǧy Astrahanka Aiaz ata men Aqşaqarǧa 1 mln 666 myŋ teŋge böldı» degen material jariialanǧan edı. Atalǧan maqalaǧa qatysty Aqmola oblysy boiynşa ışkı memlekettık audit departamentı jauap berdı, - dep habarlaidy Adyrna ūlttyq portalynyŋ tılşısı.
Astrahan auyly Aqmola oblysyndaǧy Astrahan audanynyŋ ortalyǧy sanalady. Halqynyŋ sany 6 myŋ adamnan säl asady. Auylda 2 jalpy bılım beretın jäne muzyka mektebı, 5 balabaqşa, käsıptık-tehnikalyq uchilişe, mädeni-sport keşenı, mädeniet üiı, kinoteatr, 7 kıtaphana, 3 emdeu-sauyqtyru mekemesı, tarihi-ölketanu mūrajaiy, qonaq üiı, t.b. bar. Iаǧni, portalymyz bar bolǧany 6 myŋ tūrǧyny bar auyldyŋ jaŋa jyldyq müsınderge 1 mln 666 myŋ teŋge bölgenın synaǧan edı. Sonymen qatar, tılşımız Aqmola oblysynyŋ memlekettik satyp alu jäne kommunaldyq menşik basqarmasyna:
«1. Audan ortalyǧy sanalatyn auyldyq äkımdık qardan jasalatyn bar bolǧany 8 müsınge 1 666 964 teŋge qarjy böluı qanşalyqty aqylǧa siymdy? Būl biudjet qarjysyn oŋdy-soldy şaşu emes pe?
2. Astrahandyq şeneunıkterdıŋ alda kele jatqan täuelsızdık merekesın attap ötıp, jaŋa jylǧa daiyndala bastauynyŋ astarynda ne jatyr?» degen saual joldaǧan bolatyn.
Bızdıŋ Aqmola oblysynyŋ memlekettik satyp alu jäne kommunaldyq menşik basqarmasyna joldaǧan saualymyzǧa "Qazaqstan Respublikasy Qarjy ministrlıgı Işkı memlekettık audit komitetınıŋ Aqmola oblysy boiynşa ışkı memlekettık audit departamentı" RMM (būdan ärı - Departament) jauap berıptı:
«Aqmola oblysy Astrahan audany Astrahan auylynyŋ ortalyq alaŋynda Jaŋa jyldyq qalaşyqty jailastyru" Memlekettık satyp alu boiynşa QR Memlekettık veb-portalyn zerdeleumen Departament joǧaryda körsetılgen satyp alu täsılın: «baǧa ūsynystaryn sūratu» jüzege asyrǧanyn anyqtady.
«Astrahan auyldyq okrugı äkımınıŋ apparaty» memlekettık mekemesı (būdan ärı – ūiymdastyruşy, Tapsyrys beruşı) jäne «Jaqsy audanynyŋ Jaqsy auyly äkımınıŋ apparaty» memlekettık mekemesı (būdan ärı – ūiymdastyruşy, Tapsyrys beruşı) ūiymdastyruşy jäne Tapsyrys beruşı bolyp tabylady.
№11083997-1, №11136062-1 Memlekettık satyp alular boiynşa Departament, Qazaqstan Respublikasynyŋ Memlekettık satyp alu turaly zaŋnamasyn būzǧany anyqtalǧan joq.
Sızdıŋ sūrauyŋyzda körsetılgen basqa mäselelerge qatysty joǧaryda atalǧan satyp aludy ūiymdastyruşyǧa/Tapsyrys beruşıge jügınu qajet ekenın habarlaimyz. Öitkenı, sūrauyŋyzda baiandalǧan mäseleler Departamenttıŋ qūzyretıne kırmeidı».
Syrǧyma jauapta bız kötergen mäsele departamenttıŋ qūzıretıne kırmeitının aitypty. Bızdıŋ Aqmola oblysynyŋ memlekettik satyp alu jäne kommunaldyq menşik basqarmasyna jıbergen hatymyz Aqmola oblysy boiynşa ışkı memlekettık audit departamentıne qalai barǧany tüsınıksız. Sonda da aqyry jauap bergen eken, biudjet qarjysyn bölıp otyrǧan organ men tapsyrys beruşıge sūrau salyp, hatty solarǧa baǧyttauǧa bolmas pa edı?
Qanat Bırlıkūly
Adyrna ūlttyq portaly
