باتىس قازاقستان وبلىسى تاسقالا اۋىلىندا بالاباقشاداعى 6 ءبۇلدىرشىننىڭ سكارلاتينا دەرتىنە شالدىققانى بەلگىلى بولدى، دەپ حابارلايدى «ادىرنا» ۇلتتىق پورتالى.
«وسىعان بايلانىستى تاسقالا اۋدانى باس مەملەكەتتىك سانيتار دارىگەرىنىڭ قاۋلىسىمەن اتالعان بالاباقشا كارانتينگە جابىلدى»، - دەپ مالىمدەيدى بقو سانيتارلىق-ەپيدەميولوگيالىق باقىلاۋ دەپارتامەنتى.
قازىرگى كەزدە اۋرۋ وشاعىندا ەپيدەميولوگيالىق تەكسەرۋ جۇمىستارى ءجۇرىپ جاتىر.
بقو دەنساۋلىق ساقتاۋ باسقارماسى ءباسپاسوز قىزمەتىنىڭ ناقتىلاۋىنشا، سكارلاتيناعا شالدىققان بالالاردىڭ بىرەۋىنىڭ جاعدايى اۋىر.
ۇشەۋىنىڭ جاي-كۇيى ورتاشا.
وكىنىشكە قاراي، ءبىر قىز بالا كوز جۇمدى.
«قىز بالا ءولىمىنىڭ ناقتى سەبەبى پاتالوگواناتوميالىق زەرتتەۋ قورىتىندىسىنان كەيىن بەلگىلى بولادى»، - دەپ حابارلادى دەنساۋلىق ساقتاۋ باسقارماسىنان.
«ادىرنا» ۇلتتىق پورتالى
