Home
Жаңалықтар
«Карантинге жабылды». БҚО балабақшасындағы 6 бүлдіршін жұқпалы ауруға шалдықты

«Карантинге жабылды». БҚО балабақшасындағы 6 бүлдіршін жұқпалы ауруға шалдықты

08.12.2023

2649

https://adyrna.kz/content/uploads/2023/12/panorama-013.jpg

Батыс Қазақстан облысы Тасқала ауылында балабақшадағы 6 бүлдіршіннің скарлатина дертіне шалдыққаны белгілі болды, деп хабарлайды «Адырна» ұлттық порталы.

«Осыған байланысты Тасқала ауданы бас мемлекеттік санитар дәрігерінің қаулысымен аталған балабақша карантинге жабылды», - деп мәлімдейді БҚО санитарлық-эпидемиологиялық бақылау департаменті.

Қазіргі кезде ауру ошағында эпидемиологиялық тексеру жұмыстары жүріп жатыр.

БҚО денсаулық сақтау басқармасы баспасөз қызметінің нақтылауынша, скарлатинаға шалдыққан балалардың біреуінің жағдайы ауыр.

Үшеуінің жай-күйі орташа.

Өкінішке қарай, бір қыз бала көз жұмды.

«Қыз бала өлімінің нақты себебі паталогоанатомиялық зерттеу қорытындысынан кейін белгілі болады», - деп хабарлады Денсаулық сақтау басқармасынан.
«Адырна» ұлттық порталы

Related news