نۇر-سۇلتاندا كەنجە قىزى قايتىس بولعاننان كەيىن ايەلگە ۇلكەن قىزىن تاربيەلەۋگە تىيىم سالىندى. بۇل تۋرالى نۇر-سۇلتان قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ايەلدىڭ ەكى بالاسى بولعان. كىشى قىزىن رۇقسات قۇجاتتارىنسىز ۇيدە جۇمىس ىستەيتىن جەكە مەنشىك بالاباقشاعا تاۋلىك بويىنا تاپسىرعان. بالاباقشاعا اقى تولەمەگەن، قىزىنا ءبىر ايدان استام ۋاقىت كەلمەگەن. ۇلكەن قىزى اجەسىنىڭ باقىلاۋىندا بولعان.
وسىلايشا، اناسى بالا تاربيەسىنەن شەتتەتىلگەن.
"2022 جىلى ساۋىردە جەكە ۇيدەگى بالاباقشادا بولعان كىشى قىزى كوز جۇمدى. قىلمىستىق ءىس قوزعالىپ، تەرگەۋ جۇرگىزىلۋدە. بالانىڭ دەنەسىندە كوپتەگەن دەنە جاراقاتى بولعان", – دەپ اتاپ ءوتتى سوتتا.
بارلىق جاعدايدى ەسكەرە وتىرىپ، سوت شەشىمىمەن ايەل ۇلكەن قىزىنا قاتىستى اتا-انا قۇقىعىنان شەتتەتىلدى. بالانىڭ بولاشاق تاعدىرىن انىقتاۋ ءۇشىن ۇلكەن قىزى نۇر-سۇلتان قالاسىنىڭ ءبىلىم باسقارماسىنا بەرىلدى. اناسىنان اليمەنت ءوندىرىپ الىندى.
”ادىرنا” ۇلتتىق پورتالى
