Batys Qazaqstan oblysy Tasqala aýylynda balabaqshadaǵy 6 búldirshinniń skarlatına dertine shaldyqqany belgili boldy, dep habarlaıdy «Adyrna» ulttyq portaly.
«Osyǵan baılanysty Tasqala aýdany bas memlekettik sanıtar dárigeriniń qaýlysymen atalǵan balabaqsha karantınge jabyldy», - dep málimdeıdi BQO sanıtarlyq-epıdemıologııalyq baqylaý departamenti.
Qazirgi kezde aýrý oshaǵynda epıdemıologııalyq tekserý jumystary júrip jatyr.
BQO densaýlyq saqtaý basqarmasy baspasóz qyzmetiniń naqtylaýynsha, skarlatınaǵa shaldyqqan balalardyń bireýiniń jaǵdaıy aýyr.
Úsheýiniń jaı-kúıi ortasha.
Ókinishke qaraı, bir qyz bala kóz jumdy.
«Qyz bala óliminiń naqty sebebi patalogoanatomııalyq zertteý qorytyndysynan keıin belgili bolady», - dep habarlady Densaýlyq saqtaý basqarmasynan.
«Adyrna» ulttyq portaly
