پرەزيدەنت تاپسىرماسى بويىنشا تۇركسىب اۋدانىندا 730 ورىندىق 3 مەملەكەتتىك بالاباقشا بوي كوتەرەدى

2097
Adyrna.kz Telegram

پرەزيدەنت قاسىم-جومارت توقاەۆ ءوزىنىڭ حالىققا جولداۋىندا: «ءبىلىم بەرۋ جۇيەسى- ۇلت ساپاسىن سالا ۇلت ساپاسىن جاقسارتۋ ىسىندە اسا ماڭىزدى ءرول اتقارادى.سوندىقتان، مەكتەپكە دەيىنگى تاربيە جۇمىسى باستى نازاردا بولۋى كەرەك. بالالاردى بالاباقشامەن قامتاماسىز ەتۋ ماسەلەسىن تۇپكىلىكتى شەشۋ قاجەت.»،-دەپ قاداپ ايتقان ەدى. مەملەكەت باسشىسىنىڭ بۇل ءسوزىن ءىرى مەگاپوليستەردە بىردەن باسشىلىقا الىنىپ جاتىر. بۇل قاتاردا الماتى قالاسى دا بار ، دەپ حابارلايدى "ادىرنا" پورتالى.

بۇلدىرشىندەردى بالاباقشامەن قامتۋ ءىسى الماتى قالاسىندا قارقىن الۋدا. بۇل تۋرالى الماتى قالاسىنىڭ اكىمى ەربولات دوساەۆ تۇركسىب اۋدانىنىنىڭ تۇرعىندارىمەن كەزدەسۋ كەزىندە مالىمدەدى.

شاھار باسشىسىنىڭ سوزىنە سۇيەنسەك، الداعى ۋاقىتتا تۇرعىندار قۋانىشى ەسەلەنە تۇسپەك. ويتكەنى، 730 ورىندىق 3 بىردەي مەملەكەتتىك بالاباقشا سالۋ جوسپارلانۋدا. بۇنىڭ بىرلىعى مەكتەپكە دەيىنگى ۇيىمدارداعى ورىن تاپشىلىعىن قىسقارتۋ ماقساتىندا ىسكە اسىرىلماق.

سونىمەن قاتار، قايرات شاعىن اۋدانىندا 260 ورىندىق بالا باقشا قۇرىلىسى 2023 جىلى اياقتالادى دەپ كۇتىلۋدە.

ەستەرىڭىزگە سالامىز، پرەزيدەنت قاسىم-جومارت توقاەۆ 2022 جىلعى 1 قىركۇيەكتەگى جولداۋىندا:  "2025 جىلعا دەيىن 800 مىڭ بالا زاماناۋي مەكتەپكە وقۋى كەرەك، ءبىز سوعان جاعداي جاسايمىز دەگەن ەدى.  سونىڭ ناتيجەسىندە اپاتتى جاعدايداعى جانە ءۇش اۋىسىممەن وقيتىن مەكتەپ ماسەلەسىن تولىق شەشىلەدى",- دەگەن بولاتىن.

مەملەكەت باسشىسىنىڭ بۇل پارمەنى دە الماتى قالاسىندا دەر كەزىندە جۇزەگە اسۋدا.  ناقتىراق ايتار بولساق، تۇركسىب اۋدانىنداعى  تۇرعىنداردى الاڭداتقان مەكتەپتەگى ورىن سانىنىڭ تاپشىلىعى ءوز شەشىمىن تاپپاق.  بۇگىڭدە تۇركسىب اۋدانىندا 1350 ورىندىق  3 مەكتەپتى – №59, №195 جانە №198  كەڭەيتۋ بويىنشا جۇمىستار جۇرگىزىلۋدە.  سونداي-اق، №59 مەكتەپ-گيمنازياسىنىڭ اۋماعىندا قازان ايىندا 300 وقۋشىعا ارنالعان جاڭا عيمارات پەن قوسىمشا قۇرىلىس سالىنادى.

ايتا كەتەۋ كەرەك، بۇل رەتتە  ەسكى عيماراتتىڭ ءبىر بولىگى بۇزىلادى. №195 جانە №198 مەكتەپتەر بويىنشا 1050 ورىندى قوسالقى نىساندار قۇرىلىسىنىڭ  جسق ازىرلەنۋ ۇستىندە. جسق-نى 2023 جىلعى شىلدەدە اياقتاۋ جوسپارلانۋدا.  سونداي-اق جىل سوڭىنا دەيىن قايرات شاعىن اۋدانىندا 1500 ورىندىق مەكتەپتى  پايدالانۋعا بەرۋ جوسپارلانۋدا.

پىكىرلەر