پەتروپاۆلدا بالاباقشا قىزمەتكەرىنەن تۋبەركۋلەز انىقتالدى. بۇل تۋرالى Informburo.kz مالىمدەدى، دەپ حابارلايدى “ادىرنا” ۇلتتىق پورتالى.
اتالعان جايت جىل سايىنعى مەديتسينالىق تەكسەرىس كەزىندە بەلگىلى بولعان.
ينفەكتسيالىق اۋرۋ جۇقتىرعان قىزمەتكەر ۋاقىتشا ەڭبەك قابىلەتتىلىگىنەن ايىرىلعاندىقتان دەمالىسقا جىبەرىلدى.
"بالداۋرەن" بالاباقشاسىنىڭ عيماراتىندا دەزينفەكتسيا جۇرگىزىلدى.
دەزينفەكتسيا پروتسەسى ەكى كەزەڭدە جۇرگىزىلدى. ماماندار الدىمەن بالالاردىڭ تىنىعاتىن ۋاقىتىندا باسسەيندى جانە ويناۋ بولمەلەرىن، سونداي-اق عيمارات ءدالىزىن دەزينفەكتسيالادى. كەيىننەن ساعات 19.00-دەن كەيىن عيماراتتىڭ قالعان بولىگىن زالالسىزداندىردى، - دەلىنگەن قالالىق ءبىلىم بەرۋ باسقارماسىنىڭ حابارلاماسىندا.
سونداي-اق، 9 قازاندا بالاباقشانىڭ بارلىق قىزمەتكەرى مەديتسينالىق تەكسەرىستەن وتەدى. ال جۇقپالى دەرتكە شالدىققان قىزمەتكەرمەن بايلانىستا بولعان بالالارعا مانتۋ سىناماسى جاسالادى. ءبىلىم بەرۋ باسقارماسى جەدەل توپ قۇردى. ولار ءىستى تەرگەۋمەن اينالىسادى.
