جەلىدە بالاباقشا بالالارى مەن تاربيەشىلەرىنىڭ قار ۇستىندە جالاڭ اياق جۇرگەن ۆيدەوسى تارادى. جەلى قولدانۋشىلارى مۇنداي جاڭاشىلدىققا تاڭ قالىپ، قارسىلىعىن دا بىلدىرۋدە، دەپ حابارلايدى “ادىرنا” ۇلتتىق پورتالى.
بەينەجازبانى تاراتۋشىلارىنىڭ مالىمەتىنشە، ۆيدەو اتىراۋداعى “بالداۋرەن” بالاباقشاسىندا تۇسىرىلگەن. بالالاردى سۋىققا ءتوزىمدى بولسىن دەگەن ماقساتتا قاردىڭ ۇستىمەن جۇگىرتكەن.
كادرلاردا بالالار تاربيەشىمەن بىرگە سىرت كيىمسىز جانە جالاڭ اياق بالاباقشادان شىعىپ، قاردىڭ ۇستىمەن جۇگىرۋدە.
“بۇل ارەكەتكە بالالار تەك اتا-انالار مەن بالالاردىڭ كەلىسىمىمەن بارادى. ەگەر بالا جۇگىرگىسى كەلمەسە، ونى ەشكىم ماجبۇرلەمەيدى”، - دەگەن اكىمشىلىك Atyrau.bugin پاراقشاسىنىڭ مالىمەتىنشە.
