باتىس قازاقستان وبلىسىندا اۋلادا جۇرگەن ءتورت جاسار ويىن بالاسىن يت قاپتى، دەپ حابارلايدى "ادىرنا" ۇلتتىق پورتالى.
بقو دەنساۋلىق ساقتاۋ باسقارماسى ءباسپاسوز قىزمەتى وقىس وقيعانىڭ 12 قىركۇيەك كۇنى ءبورلى اۋدانى ورتالىعى اقساي قالاسىندا بولدى.
«شامامەن كەشكى ساعات 19.00-دە اۋلادا ويناپ جۇرگەن بالانى يت قاۋىپ، دەنەسىنىڭ بىرنەشە جەرىنەن جاراقات كەلتىرگەن. اۋداندىق اۋرۋحاناعا اتا-اناسى جەتكىزگەن بالاعا حيرۋرگ دارىگەر شۇعىل كومەك كورسەتىپ، انتيرابيالىق ۆاكتسينا جاسالدى. سودان كەيىن جەدەل ورال قالاسىنداعى وبلىستىق كوپبەيىندى بالالار اۋرۋحاناسىنا جەتكىزىلدى. كۇردەلى وتا جاسالعان بالا ەم الۋدى جالعاستىرۋدا»، - دەپ حابارلادى ۆەدومستۆودان.وبلىستىق كوپبەيىندى بالالار اۋرۋحاناسى حيرۋرگيا بولىمشەسىنىڭ مەڭگەرۋشىسى ءالىبي تولەگەنوۆتىڭ ايتۋىنشا، بالا ەكى اتالىق بەزى سىرتقا شىعارىلعان جاراقاتىن العان. سونداي-اق يت ونىڭ سانىنان تىستەگەن. بالانىڭ جاعدايى ورتاشا اۋىر، قالىپتى. بقو پوليتسيا دەپارتامەنتى ءباسپاسوز قىزمەتىنىڭ ناقتىلاۋىنشا، اتالعان دەرەك بويىنشا 13 قىركۇيەك كۇنى يت يەسى قر اكىمشىلىك قۇقىقبۇزۋشىلىق كودەكسىنىڭ 407-2-بابى 1-بولىگىنە ء(ۇي جانۋارلارىن ۇستاۋ ەرەجەسىن بۇزۋ) سايكەس اكىمشىلىك جاۋاپكەرشىلىككە تارتىلدى. سونىمەن قاتار يەسى سەنبەرنار تۇقىمداس ءيتىن دارىمەن ءولتىرۋ تۋرالى شاعىم ءتۇسىردى.
"ادىرنا" ۇلتتىق پورتالى
ۇقساس جاڭالىقتار
