2023 جىلى 10 ناۋرىزدا مادەنيەت، ونەر جانە سپورت سالاسىنداعى جىل سايىنعى Ticketon سىيلىعى بويىنشا بەرىلگەن داۋىستىڭ قورىتىندىسى شىقتى. ديماش قۇدايبەرگەن بىردەن ەكى نوميناتسيا بويىنشا كوشباسشى اتاندى. بۇل تۋرالى ءانشىنىڭ رەسمي سايتى حابارلادى، دەپ جازادى "ادىرنا" ۇلتتىق پورتالى.
"ديماش 2022 جىلدىڭ 23 قىركۇيەگىندە الماتىدا وتكەن «Stranger» جەكە كونتسەرتىمەن «قازاقستاننىڭ جىل ءارتىسى» جانە «جىل ەسترادالىق كونتسەرتى» نوميناتسيالارىندا جەڭىسكە جەتتى. بۇل ءارتىستىڭ Ticketon سىيلىعىن ءبىرىنشى رەت جەڭىپ الۋى ەمەس. ول بىرنەشە رەت "قازاقستاننىڭ جىل ءارتىسى" نوميناتسياسىندا كوشباسشى بولدى، سونىمەن قاتار ديماشتىڭ 2019 جىلعى "ارناۋ شوۋى", 2017 جىلعى "باستاۋ" جەكە كونتسەرتى وزگە دە قازاقستان سىيلىقتارىن يەلەنگەن", - دەلىنگەن حابارلامادا.
«تيكەتون» مادەني سىيلىعى – قازاقستاننىڭ قازىرگى زامانعى مادەنيەتى، ونەرى، سپورتى جانە قوعامدىق ءومىرى سالاسىنداعى تالانتتى قايراتكەرلەردىڭ جەتىستىكتەرىن كورسەتۋگە جانە قولداۋعا باعىتتالعان جىل سايىنعى ءىس-شارا. سىيلىق كينو، گاسترولدىك ءىس-شارالار، كونتسەرتتەر، تەاتر، سپورت، بالالارعا ارنالعان ءىس-شارالار جانە ت.ب. سياقتى مادەني ءومىر سالالارىن قامتيدى.
"ادىرنا" ۇلتتىق پورتالى
