قاسىم-جومارت توقاەۆ پاكىستان پرەزيدەنتى اريف الۆي اتىنا جەدەل حات جولدادى. ەلدىڭ سولتۇستىك-باتىسىندا بولعان لاڭكەستىك شابۋىل سالدارىنان كوپتەگەن ازاماتتىڭ قازا تابۋىنا بايلانىستى باسۋ ايتىپ، زارداپ شەككەندەردىڭ ساۋىعىپ كەتۋىنە تىلەكتەستىك ءبىلدىردى، دەپ حابارلايدى "ادىرنا" ۇلتتىق پورتالى.
رەسمي اقپاردى اقوردا تاراتتى. جەدەل حاتتا:
"مەملەكەت باسشىسى قازاقستان حالقىنىڭ جانە جەكە ءوز اتىنان جاقىندارىنان ايىرىلعان وتباسىلارعا قايعىرا كوڭىل ايتتى، سونداي-اق زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى", - دەپ جازىلعان.
ەسكە سالا كەتەيىك، پاكىستاندا دجاميات ۋلەما يسلام-فازل (JUI-F) يسلام پارتياسىنىڭ جالپىۇلتتىق پارلامەنت سايلاۋى قارساڭىندا وتكىزگەن سەزى كەزىندە جارىلىس بولدى. سالدارىنان 44 ادام قازا تاپتى.
"ادىرنا" ۇلتتىق پورتالى
