وزبەكستان 5 اقپاننان باستاپ قازاقستانمەن شەكاراداعى ءىرى "گيشتكۋپريك" (قازاقستان جاعىندا "جيبەك جولى" باقىلاۋ وتكىزۋ پۋنكتى) كەدەن بەكەتىن ءتورت ايعا جابادى، دەپ حابارلايدى "ادىرنا" ۇلتتىق پورتالى.
بۇل تۋرالى Gazeta.uz وزبەكستاننىڭ كەدەن كوميتەتىنە سىلتەمە جاساپ حابارلادى.
باقىلاۋ وتكىزۋ پۋنكتىندە ءۇش جىلدان استام ۋاقىتتان بەرى جوندەۋ جۇمىستارى ءجۇرىپ جاتىر. الداعى ءتورت ايدا ول اياقتالۋى كەرەك.
اقپاراتقا قاراعاندا، بەكەتتىڭ اۋماعى 1.5 گەكتارعا كەڭەيىپ، وسىلايشا وتكىزۋ مۇمكىندىگى - 350-دەن 1000 كولىككە دەيىن، 30 مىڭنان 50 مىڭ ادامعا دەيىن ۇلعايتىلماق.
ەندى الداعى ءتورت ايدا جاياۋ جۇرگىنشىلەر مەن كولىكتەر، اۆتوبۋستار جۋىردا اشىلعان "ناۋاي" بەكەتى ارقىلى وتە الادى. ەكى بەكەت اراسىنداعى قاشىقتىق 20 شاقىرىمعا جۋىق.
دەگەنمەن "ناۋاي" بەكەتى ارقىلى جۇك كولىكتەرىنىڭ وتۋىنە تىيىم سالىنعان.
