Batys Qazaqstan oblysynda aulada jürgen tört jasar oiyn balasyn it qapty, dep habarlaidy "Adyrna" ūlttyq portaly.
BQO densaulyq saqtau basqarmasy baspasöz qyzmetı oqys oqiǧanyŋ 12 qyrküiek künı Börlı audany ortalyǧy Aqsai qalasynda boldy.
«Şamamen keşkı saǧat 19.00-de aulada oinap jürgen balany it qauyp, denesınıŋ bırneşe jerınen jaraqat keltırgen. Audandyq auruhanaǧa ata-anasy jetkızgen balaǧa hirurg därıger şūǧyl kömek körsetıp, antirabiialyq vaksina jasaldy. Sodan keiın jedel Oral qalasyndaǧy oblystyq köpbeiındı balalar auruhanasyna jetkızıldı. Kürdelı ota jasalǧan bala em aludy jalǧastyruda», - dep habarlady vedomstvodan.Oblystyq köpbeiındı balalar auruhanasy hirurgiia bölımşesınıŋ meŋgeruşısı Älıbi Tölegenovtıŋ aituynşa, bala ekı atalyq bezı syrtqa şyǧarylǧan jaraqatyn alǧan. Sondai-aq it onyŋ sanynan tıstegen. Balanyŋ jaǧdaiy ortaşa auyr, qalypty. BQO polisiia departamentı baspasöz qyzmetınıŋ naqtylauynşa, atalǧan derek boiynşa 13 qyrküiek künı it iesı QR Äkımşılık qūqyqbūzuşylyq kodeksınıŋ 407-2-baby 1-bölıgıne (üi januarlaryn ūstau erejesın būzu) säikes äkımşılık jauapkerşılıkke tartyldy. Sonymen qatar iesı senbernar tūqymdas itın därımen öltıru turaly şaǧym tüsırdı.
"Adyrna" ūlttyq portaly
Ūqsas jaŋalyqtar
