ءبىزدىڭ ەلدە ىشكى احۋال - ءالى دە تۇراقتى ەمەس، ورامال داۋىنىڭ كوتەرىلۋى دە - تەكتەن-تەك ەمەس!
قمدب-نىڭ مەكتەپ فورماسى ماسەلەسىنە ارالاسۋعا قۇقىعى جوق!
شاريعاتتا ون ءۇش جاس - ول باليعاتقا كەلگەن بولىپ ەسەپتەلەدى.
ال ءدال قازىرگى قوعام مەن زاماندا باليعات جاس، ول - بالانىڭ كامەلەتكە تولعان، ياعني 18 جاسى بولىپ تابىلادى.
بالا مەكتەپتە ءبىلىم الۋى قاجەت! جاسى 18-گە كەلگەن سوڭ عانا قانداي ءدىندى ۇستاناتىنىن ءوزى شەشۋ كەرەك!
ءدىني باسقارمانىڭ باسقا ىستەيتىن جۇمىسى قالماعان با؟ وداندا، مىنا ميلارى ۋلانىپ، ساقالدارى تىزەلەرىنە جەتىپ، قارا “نيكابقا” بۇركەنىپ، سالت-ءداستۇرىمىز بەن ۇلتتىق اسپابىمىز دومبىرانىڭ ءوزىن - “حارام” دەپ اشىق ۋاعىز ايتىپ وتىرعاندارمەن كۇرەسپەي مە؟
شاريعات بويىنشا، باليعات جاسىنا ياعني 13-كە تولعان قىزبالاسى ورامال تاعىپ ءجۇرۋ كەرەك ەكەنىن دە بۇكپەي ايتىپ وتىر. ەرتەڭ-اق از-كەم ۋاقىتتان سوڭ، “باليعات جاستاعى قىز ەركەكپەن نەكە قيىپ، جىنىستىق قاتىناسقا دا تۇسە بەرۋى كەرەك” دەپ ءپاتۋا شىعارادى ما سوندا؟
ءبىزدىڭ مەملەكەت باسقارۋىنا جانە ساياسي احۋالعا - ءدىندى ارالاستىرماڭدار!
ءدىن مەن اعىمنىڭ ءتۇرى كوپ!
اركىم ءوز ءدىنىن، ءوز ۇستانىمىن مەملەكەت باسقارۋىنا تىقپالاي بەرەتىن بولسا، مەملەكەتىمىزدىڭ تاۋەلسىزدىگىنە، تۇراقتىلىعى مەن قاۋىپسىزدىگىنە قاۋىپ تونەدى!
الەۋمەتتىك جەلى، اسىرەسە جاستار قاۋىمى جاپپاي وتىراتىن “تيك-توك” جەلىلەرىندە سالت-داستۇرمىزگە اشىق قارسى شىعىپ، ميلليونداعان حالىققا جات اعىمدى ناسيحاتتاۋشى “نيكاب” پەن “حيدجاب” كيگەندەر كوبەيىپ كەتتى!
ال بۇعان قارسى باعىتتالعان نەمەسە تىيىم بولار، ءتىپتى ۇلتتىق يدەولوگياعا اسەر ەتەتىن جۇمىستاردى دا جوسپارلى جوبالاردى كورمەدىك!
باس مۋفتي ناۋرىزباي قاجى “وتستاۆكىگە” كەتۋى كەرەك!
