قازاقستان رەسپۋبليكاسىنىڭ باس پروكۋرورى ع.نۇرداۋلەتوۆ مىرزاعا!
اشىق حات!
قۇرمەتتى عيزات داۋرەنبەكۇلى!
"ادىرنا" ۇلتتىق پورتالىنىڭ ينستاگرام پاراقشاسىنداعى 7-ءشى جەلتوقسان 2020-جىلى جاريالانعان "فرانتسيالىق مۇعالىمنىڭ باسىن كەسكەن جىگىت قۇرمەتپەن جەرلەندى"دەگەن ماقالاعا پىكىر بىلدىرگەن 508 جەلى قولدانۋشىنىڭ بارلىعى فرانتسياداعى شەشەن جىگىتىنىڭ وسى تەررورلىق ءىس-ارەكەتىن تولىقتاي قولداپ، ازا تۇتۋى قاتتى الاڭداتىپ وتىر. سونىمەن قاتار، 28.12.2020 وسى جولداردىڭ اۆتورى، تاۋەلسىز ءدىن ساراپشىسى، حالىقارالىق جۋرناليستەر فەدەراتسياسىنىڭ مۇشەسى تۇراربەك قۇسايىنوۆتىڭ "وسمان حاليفاتىن اڭساۋشى ەردوعان قوعامعا قاۋىپتى" اتتى ماقالاسىندا دا ءدىني-ساياسي فاناتيزم مەن انتيسەميتيزمگە نەگىزدەلگەن، ياعني ۇلتارالىق وشپەندىلىكتى ناسيحاتتايتىن كەرتارتپا پىكىرلەردىڭ قازاقستان رەسپۋبليكاسىنىڭ زايىرلى ۇستانىمدارىنا دا قاراما-قايشى ەكەنىن ەسكەرتكىمىز كەلەدى.
فەيسبۋكتاعى جانە ينستاگرامداعى پىكىرلەردە "تۇراربەكتىڭ باسىن كەسىپ الۋ كەرەك" دەپ اشىق جازىپ وتىرعان الەۋمەتتىك جەلى قولدانۋشىلاردىڭ ءدىني نانىم-سەنىمدەرى تەرروريستىك-ەكستريميستىك بولۋى ىقتيمال. الەۋمەتتىك جەلى ارقىلى وسىلاي اشىق قان توگىسكە شاقىرىپ وتىرعان ادامداردان ساقتانۋىمىز كەرەك.
سىزدەن 2005 جىلعى 18 اقپانداعى قابىلدانعان "ەكسترەميزمگە قارسى ءىس-قيمىل" تۋرالى زاڭدا كورسەتىلگەن باپتارعا سايكەس، اتاۋلى الەۋمەتتىك جەلىلەردەگى ماقالانىڭ استىنا پىكىر رەتىندە جازىلعان ۇلتارالىق جانە ءدىني ارازدىق پەن توزىمسىزدىكتى ۋاعىزدايتىن ويلار مەن پىكىرلەرگە تالداۋ جاساپ، ءتيىستى شارا قولدانۋىڭىزدى سۇرايمىز!
تۇراربەك قۇسايىنوۆ،
"دەموس" قوعامدىق بىرلەستىگىڭ توراعاسى
