AIGÚL ORYNBEK: Elde ishki ahýal turaqty emes, oramal daýynyń kóterilýi de tekten tek emes! Bas Mýftı “otstavkige” ketýi kerek!

1444
Adyrna.kz Telegram
Foto: egemen.kz
Foto: egemen.kz
Bizdiń Elde ishki ahýal - áli de turaqty emes, oramal daýynyń kóterilýi de - tekten-tek emes!
QMDB-nyń mektep formasy máselesine aralasýǵa quqyǵy joq!
Sharıǵatta on úsh jas - ol balıǵatqa kelgen bolyp esepteledi.
Al dál qazirgi qoǵam men zamanda balıǵat jas, ol - balanyń kámeletke tolǵan, ıaǵnı 18 jasy bolyp tabylady.
Bala mektepte bilim alýy qajet! Jasy 18-ge kelgen soń ǵana qandaı dindi ustanatynyn ózi sheshý kerek!
Dinı basqarmanyń basqa isteıtin jumysy qalmaǵan ba? Odanda, myna mılary ýlanyp, saqaldary tizelerine jetip, qara “nıkabqa” búrkenip, salt-dástúrimiz ben ulttyq aspabymyz dombyranyń ózin - “haram” dep ashyq ýaǵyz aıtyp otyrǵandarmen kúrespeı me?
Sharıǵat boıynsha, balıǵat jasyna ıaǵnı 13-ke tolǵan qyzbalasy oramal taǵyp júrý kerek ekenin de búkpeı aıtyp otyr. Erteń-aq az-kem ýaqyttan soń, “balıǵat jastaǵy qyz erkekpen neke qıyp, jynystyq qatynasqa da túse berýi kerek” dep pátýa shyǵarady ma sonda?
Bizdiń Memleket basqarýyna jáne saıası ahýalǵa - dindi aralastyrmańdar!
Din men aǵymnyń túri kóp!
Árkim óz dinin, óz ustanymyn Memleket basqarýyna tyqpalaı beretin bolsa, Memleketimizdiń táýelsizdigine, turaqtylyǵy men qaýipsizdigine qaýip tónedi!
Áleýmettik jeli, ásirese jastar qaýymy jappaı otyratyn “Tık-tok” jelilerinde salt-dástúrmizge ashyq qarsy shyǵyp, mıllıondaǵan halyqqa jat aǵymdy nasıhattaýshy “nıkab” pen “hıdjab” kıgender kóbeıip ketti!
Al buǵan qarsy baǵyttalǵan nemese tyıym bolar, tipti ulttyq ıdeologııaǵa áser etetin jumystardy da josparly jobalardy kórmedik!
Bas Mýftı Naýryzbaı qajy “otstavkige” ketýi kerek!

 

 

 

 

Pikirler