ەنەرگەتيكا مينيسترلىگى ەلدەگى بەنزين قورىنىڭ قانشا قالعانىن حابارلادى، دەپ جازادى "ادىرنا" ۇلتتىق پورتالى.
مينيسترلىكتىڭ حابارلاۋىنشا، قازاقستانداعى مۇناي بازالارىندا، جولدا، مۇناي وڭدەۋ زاۋىتىنداعى جانە اي-95 "پرەميالدى" اۆتوبەنزينىنىڭ يمپورتى كولەمدەرىنىڭ جيىنتىق قورى 36,5 مىڭ توننا (ەلدىڭ 12 كۇندىك قاجەتتىلىگى). ال اي-92-دەن – 257,1 مىڭ توننا (18 كۇن) قالعان.
سونىمەن قاتار، مينيسترلىك ەلدەگى جانار-جاعارماي باعاسىنا قاتىستى دا مالىمدەمە جاسادى:
"اي-92 اۆتوبەنزينىنىڭ شەكتى باعاسى باعانى مەملەكەتتىك رەتتەۋگە بايلانىستى 205 تەڭگە/ليتردەن اسپاۋعا ءتيىس. اي-95 باعاسىن مەملەكەت رەتتەمەيدى، سوندىقتان جانارماي قۇيۋ ستانتسياسىنىڭ "پيستولەتىنەن" شىعاتىن باعا نارىقتاعى سۇرانىس پەن ۇسىنىسقا بايلانىستى وزگەرۋى مۇمكىن", – دەپ حابارلادى ەنەرگەتيكا مينيسترلىگى.
سونداي-اق ەنەرگەتيكا مينيسترلىگى اي-95+ اۆتوبەنزينىنە دەمالىس كەزەڭىن جانە سۇرانىستىڭ ارتقانىن ايتتى. بۇعان ساي ءونىمدى اجقس ءىرى جەلىلەرىنە (QazaqOil, Helios, Sinooil, گازپرومنەفت، Gasenergy) يمپورتتاۋ مۇمكىندىگى تۋرالى تۇسىنىكتەمە بەردى:
"پاۆلودار وبلىسىنا كەلەتىن بولساق، اجقس ءىرى جەلىلەرى بويىنشا ەركىن ساتىلاتىن وتىن، جازعى دەمالىس كەزەڭىنە جانە تۇتىنۋدىڭ ارتۋىنا بايلانىستى شەكتەۋلەر بولۋى مۇمكىن. 2023 جىلعى 28 شىلدەدەگى جاعداي بويىنشا پاۆلودار وبلىسىندا مۇناي بازالارىندا جانە جولدا 0,8 مىڭ توننا اي-95 نەمەسە 8 تاۋلىككە جەتەتىن، اي-92 – 4,1 مىڭ توننا نەمەسە 9 تاۋلىككە جەتەتىن كولەمدەرى بار", – دەلىنگەن دەپ ءتۇسىندىردى مينيسترلىك.
مينيسترلىك جوسپارلى، الدىن الۋ جوندەۋ جۇمىستارى اياقتالىپ، پاۆلودار مۇناي وڭدەۋ زاۋىتى ىسكە قوسىلعاندا اۆتوبەنزيندەردى جەتكىزۋ كولەمىنىڭ بىرتىندەپ ۇلعاياتىنىن ايتتى.
"ادىرنا" ۇلتتىق پورتالى
