اتىراۋدا گاز تاپشىلىعىنا بايلانىستى كولىك كەپتەلىسى پايدا بولعان، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە قالادا گاز تاپشىلىعى پايدا بولعانى تۋرالى بەينە تاراعان. كولىك جۇرگىزۋشىلەرى كولىكتەرىنە جانارماي قۇيۋ ءۇشىن 5-6 ساعات كۇتۋگە ءماجبۇر ەكەنىن ايتىپ، شاعىمدانۋدا.
ء"بىز مۇنايلى استانادا تۇرامىز، بىراق ۇنەمى گاز تاپشى. جىل سايىن وسىنداي ماسەلەگە تاپ بولامىز، ەشقانداي وزگەرىس جوق", – دەيدى تۇرعىنداردىڭ ءبىرى.
وبلىستىق تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتىنشە، وبلىستاعى جانار-جاعارماي قۇيۋ بەكەتتەرىنە 7020 توننا سۇيىتىلعان گاز بولىنگەن.
"اتىراۋ مۇناي وڭدەۋ زاۋىتىندا رەسمي مالىمەت بويىنشا جوسپارلى جۇمىستارعا بايلانىستى ءوندىرىس ۋاقىتشا توقتاتىلدى. سوندىقتان سۇيىتىلعان گاز كورشىلەس اۋدانداردان تاسىمالدانادى. سونىمەن قاتار قازان ايىندا ىشكى نارىقتى تولىق قامتاماسىز ەتۋ ءۇشىن مينيسترلىك قوسىمشا 880 توننا اۆتوگاز سۇرادى", – دەدى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى جانتاس وسپان.
