قازاقستان رەسپۋبليكاسىنىڭ ەنەرگەتيكا مينيسترلىگى ەكىباستۇز، بالقاش جانە اقتاۋ قالالارىن جىلۋمەن قامتۋ جاعدايىنا قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى Tengrinews.kz سايتتسنا سىلتەپ.
ۆەدومستۆو اتاپ وتكەندەي، اتالعان قالالاردا ورىن العان وقيعالار تەحنولوگيالىق بۇزۋشىلىقتار رەتىندە سيپاتتالادى. تۇتىنۋشىلارعا جىلۋ بەرۋدى توقتاتۋعا جول بەرىلمەيدى.
«اعىمداعى جىلى ەلىمىزدىڭ بارلىق ەنەرگيا كوزدەرىن تۇراقتى جىلۋمەن قامتاماسىز ەتۋ ماقساتىندا بۇرىن-سوڭدى بولماعان اۋقىمدى جۇمىستار اتقارىلدى. سونىڭ ارقاسىندا جىلۋمەن جابدىقتاۋدا جاپپاي شەكتەۋلەر بولعان جاھاندىق اپاتتاردىڭ الدىن الىندى. ەلدىڭ ەنەرگەتيكا مينيسترلىگى جىلۋمەن قامتۋدى باقىلاۋدا. جاعدايدى انىقتاپ، ەنەرگەتيكالىق نىسانداردى پايدالانۋ ماسەلەلەرى بويىنشا جەرگىلىكتى اتقارۋشى ورگاندارمەن تىعىز بايلانىستا»، - دەپ حابارلادى ۆەدومستۆودان.
ەستەرىڭىزگە سالا كەتەيىك، بالقاشتا 9 جەلتوقساندا اباي جانە ابدۋعاليەۆ كوشەلەرىندەگى جىلۋ جەلىسىنىڭ قۇبىرى زاقىمدانعان بولاتىن.
ەكىباستۇزدا قازىر 8 قازاندىق جۇمىس ىستەپ تۇر، جىلۋ بەرۋدە ءۇزىلىس بولعان جوق.
اقتاۋدا 11ا ىقشاماۋدانىندا جىلۋ جەلىسى زاقىمدالدى. توتەنشە جاعداي ايماعىندا «كاسپي جىلۋ، سۋ ارناسى» مكقك ماماندارى جوندەۋ جۇمىستارىن جۇرگىزۋدە. قالا باسشىسى ۇلىقبەك تناليەۆ بۇل ماسەلەنى جەكە باقىلاۋىندا ۇستاپ وتىرعانىن مالىمدەدى.
