Energetıka mınıstrligi eldegi benzın qorynyń qansha qalǵanyn habarlady, dep jazady "Adyrna" ulttyq portaly.
Mınıstrliktiń habarlaýynsha, Qazaqstandaǵy munaı bazalarynda, jolda, munaı óńdeý zaýytyndaǵy jáne AI-95 "premıaldy" avtobenzıniniń ımporty kólemderiniń jıyntyq qory 36,5 myń tonna (eldiń 12 kúndik qajettiligi). Al AI-92-den – 257,1 myń tonna (18 kún) qalǵan.
Sonymen qatar, mınıstrlik eldegi janar-jaǵarmaı baǵasyna qatysty da málimdeme jasady:
"AI-92 avtobenzıniniń shekti baǵasy baǵany memlekettik retteýge baılanysty 205 teńge/lıtrden aspaýǵa tıis. AI-95 baǵasyn memleket rettemeıdi, sondyqtan janarmaı quıý stanııasynyń "pıstoletinen" shyǵatyn baǵa naryqtaǵy suranys pen usynysqa baılanysty ózgerýi múmkin", – dep habarlady Energetıka mınıstrligi.
Sondaı-aq Energetıka mınıstrligi AI-95+ avtobenzınine demalys kezeńin jáne suranystyń artqanyn aıtty. Buǵan saı ónimdi AJQS iri jelilerine (QazaqOil, Helios, Sinooil, Gazpromneft, Gasenergy) ımporttaý múmkindigi týraly túsinikteme berdi:
"Pavlodar oblysyna keletin bolsaq, AJQS iri jelileri boıynsha erkin satylatyn otyn, jazǵy demalys kezeńine jáne tutynýdyń artýyna baılanysty shekteýler bolýy múmkin. 2023 jylǵy 28 shildedegi jaǵdaı boıynsha Pavlodar oblysynda munaı bazalarynda jáne jolda 0,8 myń tonna AI-95 nemese 8 táýlikke jetetin, Aı-92 – 4,1 myń tonna nemese 9 táýlikke jetetin kólemderi bar", – delingen dep túsindirdi mınıstrlik.
Mınıstrlik josparly, aldyn alý jóndeý jumystary aıaqtalyp, Pavlodar munaı óńdeý zaýyty iske qosylǵanda avtobenzınderdi jetkizý kóleminiń birtindep ulǵaıatynyn aıtty.
"Adyrna" ulttyq portaly
