وزىنە قاجەت جاعدايدا قازاق ءتىلىنىڭ «جاناشىرى بولىپ»، كولگىر ۇلتشىلدىقتى ساياسي تەحنولوگيا رەتىندە پايدالانىپ جۇرگەن دەپۋتات، اكىم، مينيسترلەر جەتىپ ارتىلادى. توعجانوۆ سونىڭ ءبىرى عانا. ول جاڭا ەشنارسە ويلاپ تاپقان جوق. ءجۋرناليستىڭ سۇراعىنان قاشۋ ءۇشىن ءسىڭىرى شىققان ءتاسىلدى پايدالاندى. جالپى، ۇلتشىلدىق ءتىل، ءدىن، ءداستۇردىڭ توڭىرەگىنەن كوتەرىلىپ، ءسوز بوستاندىعى، ادام قۇقىعى، دەموكراتيالىق قۇندىلىقتاردى داۋلايتىن، سول ءۇشىن كۇرەسەتىن دەڭگەيگە جەتپەيىنشە وسى جۇرگەنىمىز جۇرگەن. كولگىر ۇلتشىلدىققا قاشان دا قولداۋشى تابىلادى.
ال ورىس تىلدىلەر ساياسي جۋرناليستيكا، رەزونانستى وقيعالارعا ارالاسقىسى كەلسە قازاق ءتىلىن ۇيرەنۋلەرى قاجەت. قازاق ءتىلىنسىز ونىمەن اينالىسۋ مۇمكىن ەمەس. وعان قاندى قاڭتار وقيعاسى دالەل. ءبىر جارىم جىلدان بەرى ءوتىپ جاتقان سوت پروتسەستەرىنىڭ 90 پايىزى قازاق تىلىندە جۇرۋدە. سول جەردەن اقپارات تاراتىپ جۇرگەندەردىڭ باسىم كوپشىلىگى قازاق جۋرناليستەرى. قازىر قاتتى بىلىنبەس. بىراق الداعى 5-10 جىلدا بۇكىل سالادا كۇن ءتارتىبىن قازاق ءتىلدى قوعام قالىپتاستىرادى. قاڭتار وقيعاسى سونىڭ ءبىر بولىگى عانا…
ۇقساس جاڭالىقتار
