Özıne qajet jaǧdaida qazaq tılınıŋ «janaşyry bolyp», kölgır ūltşyldyqty saiasi tehnologiia retınde paidalanyp jürgen deputat, äkım, ministrler jetıp artylady. Toǧjanov sonyŋ bırı ǧana. Ol jaŋa eşnärse oilap tapqan joq. Jurnalistıŋ sūraǧynan qaşu üşın sıŋırı şyqqan täsıldı paidalandy. Jalpy, ūltşyldyq tıl, dın, dästürdıŋ töŋıregınen köterılıp, söz bostandyǧy, adam qūqyǧy, demokratiialyq qūndylyqtardy daulaityn, sol üşın küresetın deŋgeige jetpeiınşe osy jürgenımız jürgen. Kölgır ūltşyldyqqa qaşan da qoldauşy tabylady.
Al orys tıldıler saiasi jurnalistika, rezonansty oqiǧalarǧa aralasqysy kelse qazaq tılın üirenulerı qajet. Qazaq tılınsız onymen ainalysu mümkın emes. Oǧan Qandy Qaŋtar oqiǧasy dälel. Bır jarym jyldan berı ötıp jatqan sot prosesterınıŋ 90 paiyzy qazaq tılınde jürude. Sol jerden aqparat taratyp jürgenderdıŋ basym köpşılıgı qazaq jurnalisterı. Qazır qatty bılınbes. Bıraq aldaǧy 5-10 jylda bükıl salada kün tärtıbın qazaq tıldı qoǧam qalyptastyrady. Qaŋtar oqiǧasy sonyŋ bır bölıgı ǧana…
Ūqsas jaŋalyqtar
