قادىرلى قالامداس ءىنىم ەرمۇرات (باپي),
كەش ەسىتىپ قاپى سوعىپ جاتىرمىن. وڭتۇستىكتە اقيقاتشىل، مەملەكەتشىل، كۇرەسكەر دەموكرات امانگەلدى باتىربەكوۆ ەسىمدى جۋرناليست بار. بار، بولادى دا. وعان كۇماندانبايمىن. بىراق، وسى ازاماتتىعى اسقان، اقيقاتشىل قالامداستى وڭتۇستىكتىڭ حۇقىقشىلارى ءتۇرلى سىلتاۋمەن قاماپ تاستاپتى. تولىق سەبەبىن بىلە الماي وتىرمىن. كەشەگى 30 جىلدا اقيقاتشىل ءجۋرناليستى قاماي سالۋ ماسەلە ەمەس-ءتى. ال، بۇگىن، دەموكراتياعا شىنداپ قادام باسقان بۇگىنگى كۇنى بۇل ۇيات. ق. ك. توقاەۆ ساياساتى جەرگىلىكتى جەرلەردە جۇزەگە اسپاي وتىرۋىنىڭ ءبىر كورىنىسى سەكىلدى.
ەڭ ءبىر سوراقىسى امانگەلدىدەي ارلىمىزدى قاماۋعا سالۋشىلار، كۇنى كەشە سارىاعاشتا بەس جاسار بەيكۇنا ءسابيدى زورلاپ ولتىرگەن قانىپەزەردى بۇرىنعى قىلمىسىنان بوساتىپ جىبەرگەن جاقتاستارى دەسەدى.
ۇزىن ءسوزدىڭ قىسقاسى، ەرمۇرات مىنا امانگەلدى ارىپتەسىڭنىڭ ىسىنە جوق ۋاقىتىڭدى بار ەتىپ كوزىڭدى سال. اراشا تۇسەيىك. امانگەلدىنى بەرۋ - پوزيتسيانى بەرۋ. دەموكراتياعا نۇقسان. ءوزى دە وڭايلىقپەن بەرىسپەس. دەگەندە ءبىزدىڭ بولىسۋىمىز كەرەك سەكىلدى.
سەن باستا. مەن سەنىڭ قاسىڭدامىن.
اعالىق جۇرەكتەن، قۇلبەك ەرگوبەك!
19.07.2023
