جۋرناليست امانگەلدى باتىربەكوۆ بوستاندىققا شىقتى. بۇل تۋرالى ءجۋرناليستىڭ ءوزى Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
دوستار، مەن شىقتىم بوستاندىققا قايتادان! پاراقشامدى قاراپ شوك بولدىم، نە دەگەن قولداۋ؟! مەنى قولداعان بارشاڭىزعا العىسىم شەكسىز، - دەپ جازدى جۋرناليست.
ايتا كەتەيىك، 4 شىلدە كۇنى تۇركىستان وبلىسى سارىاعاش اۋداندىق مامانداندىرىلعان اكىمشىلىك سوتىنىڭ شەشىمىمەن «سارىاعاش-اقپارات» گازەتىنىڭ باس رەداكتورى امانگەلدى باتىربەكوۆ 20 تاۋلىككە قاماۋعا الىنعان بولاتىن.
جۋرناليست باتىربەكوۆ ءوز باسىلىمىندا 2019 جىلى ءماجىلىس دەپۋتاتى بولاتبەك ناجمەتدينۇلىنىڭ «الاياقتىق» بابى بويىنشا كۇدىكتى بولعانىن مالىمدەگەن. ماجىلىسمەن باتىربەكوۆتىڭ ءسوزىن ونىڭ ار-نامىسى مەن قادىر-قاسيەتىنە نۇقسان كەلتىرۋ، جالا جابۋ دەپ باعالاپ، سوتقا جۇگىنگەن.
