پارا الدى دەگەن كۇدىكپەن ۇستالعان بۇرىنعى ءماجىلىس دەپۋتاتى نۇرجان التاەۆ 2 اي قاماۋدا وتىراتىن بولدى، دەپ حابارلايدى "ادىرنا" ۇلتتىق پورتالى.
«نۇرجان التاەۆقا قاتىستى بۇلتارتپاۋ شاراسى بەلگىلى بولدى. 2023 جىلعى 9 ماۋسىمدا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ن. التاەۆتى 2 اي مەرزىمگە كۇزەتپەن قاماۋ تۇرىندەگى بۇلتارتپاۋ شاراسىن ەنگىزدى»، - دەلىنگەن ەلوردا سوتىنىڭ حابارلاماسىندا.
ەسكە سالا كەتەيىك، 7 ماۋسىمدا ءماجىلىستىڭ ەكس-دەپۋتاتى نۇرجان التاەۆ پارا الدى دەگەن كۇدىكپەن ۇستالدى.
بۇل اقپاراتتى سىبايلاس جەمقورلىققا قارسى ءىس-قيمىل اگەنتتىگى راستادى.
كەيىنىرەك انتيكور نۇرجان التاەۆتىڭ ابىلاي مىرزاحمەتوۆتەن اي سايىن 5 مىڭ دوللار پارا الىپ وتىرعانىن حابارلادى.
«نۇرجان التاەۆ 2018-2019 جىلدار ارالىعىندا قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولا تۇرا، جۇيەلى تۇردە «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ا.ي. مىرزاحمەتوۆتەن پارا رەتىندە اي سايىن 5 000 اقش دوللارى مولشەرىندە اقشا قاراجاتىن الىپ وتىردى دەپ كۇدىكتەنەدى. كەيىننەن التاەۆ 2019-2020 جىلدار ارالىعىندا قر پارلامەنتى ءماجىلىسىنىڭ دەپۋتاتى لاۋازىمىن اتقارا وتىرىپ، مىرزاحمەتوۆتەن پارا الۋ بويىنشا ءوزىنىڭ سىبايلاس جەمقورلىق قىزمەتىن جالعاستىردى. جالپى العاندا، ول پارا رەتىندە 135 000 اقش دوللارىن الدى. بۇل اسا ءىرى كولەم بولىپ سانالادى»، - دەپ حابارلادى انتيكور.
"ادىرنا" ۇلتتىق پورتالى
